Nakyllar
30 Ýahanyň ogly Aguryň Ytyýele we Uhala beren öwüdi.
2 Men iň akylsyz adamdyryn+,
Ynsan düşünjesi mende ýokdur.
3 Men akyldarlygy öwrenmedim,
Mukaddes Hudaýyň bilimini almadym.
4 Göge galyp, aşak inen kim?+
Şemaly goşawujyna ýygnan kim?
Suwy ýapynjasyna ýygnan kim?+
Ýeriň çäklerini bellän kim?+
Onuň adyny bilýärsiňmi? Oglunyň ady näme?
5 Hudaýyň her sözi päkdir+,
Ol bil baglaýanlaryň galkanydyr+.
7 Ýa Allam, senden iki dilegim bar.
Entek dirikäm şulary menden gaýgyrma:
8 Menden aldawçylygy we ýalany aýyr+.
Maňa baýlygam berme, garyplygam.
Iýjegimi ýetirip dur+,
9 Şonda senden ýüz öwürmerin,
Gerk-gäbe doýup: «Ýehowa kimmişin?» diýmerin+.
Mätäçlikden ýaňa ogurlyga ýüz urup,
Hudaýymyň adyna ysnat getirmerin.
10 Hojaýynyň ýanyna baryp, hyzmatkärine töhmet atma.
Ol saňa gargaýmasyn, günäkär bolup galaýma+.
13 Nesil bardyr, tumşugyny ýokary tutýar,
Ulumsylyk bilen seredýär+.
14 Nesil bardyr, dişleri gylyç ýaly,
Äňi gassabyň pyçagy ýaly.
Olar garyp-gasarlary,
Ýer ýüzündäki ejizleri ýalmap ýuwudýar+.
15 Sülügiň*: «Ber! Ber!» diýýän iki gyzy bar.
Doýmaz-dolmaz üç zat bar,
«Doýdum!» diýmeýän dört zat bar:
17 Atasyny kemsidýän, enesini diňlemeýän ogluň gözüni+,
Jülgäniň gargalary çokar, bürgüt jüýjeleri iýer+.
18 Akyl ýetirip bilmeýän üç zadym bar*,
Düşünip bilmeýän dört zadym bar:
19 Gökde bürgüdiň ýoly,
Gaýada ýylanyň ýoly,
Deňizde gäminiň ýoly,
Gyz göwnüni awlaýan ýigidiň ýoly.
20 Ine ahlaksyz aýalyň ýoly:
Ol iýip içýär, agzyny süpürip:
«Men erbetlik etmedim» diýýär+.
21 Ýeri titredýän üç zat bar,
Halkyň çydap bilmeýän dört zady bar:
22 Gul patyşa bolup höküm sürse+,
Akmagyň saçagy näz-nygmatdan dolsa*,
23 Ýigrenilýän* gyz äre çyksa,
Gyrnak bikesiniň ornuny eýelese+.
29 Üç zadyň, hatda dört zadyň haýbatly ýöreýşi,
Akylyňy haýran galdyrýar:
30 Haýwanlaryň iň güýçlüsi ýolbarsyň ýöreýşi,
Ol hiç zatdan gorkmaýar+.
31 Tazynyň ýöreýşi, tekäniň ýöreýşi,
Goşunyň öňünde barýan patyşanyň ýöreýşi.