Zebur
Aýdymçylaryň ýolbaşçysyna. Dawudyň aýdymy.
2 Ol meni çukurdan,
Batgaly çukurdan çekip çykardy.
Gaýanyň üstünde duruzdy,
Aýgytly ädim ätdirdi.
3 Dilime täze aýdym+,
Allany wasp edýän aýdymy berdi.
Köpler Hudaýyň işlerini görüp gorkar,
Ýehowa bil baglar.
4 Başbozarlara, ýalançylara däl-de,
Ýehowa bil baglaýan adam bagtlydyr.
Eý Alla, saňa taý geljek ýokdur!+
Seniň işleriň hakda gürrüň berip başlasam,
Olaryň soňuna çykyp bilmerin+.
Ýakma we günä gurbanlyklaryny talap etmediň+.
7 Şonda diýdim: «Ine, men geldim!
Golýazmada men hakda ýazylandyr+.
9 Jemagatyň öňünde adalatyňy wagyz edýärin+.
Seret, men dymmaýaryn+,
Eý Ýehowa, muny özüňem bilýärsiň.
10 Adalatyňy jar edýärin*,
Wepaňy, halas edişiňi yglan edýärin.
Söýgiň*, hakykatyň hakda jemagata gürrüň berýärin»+.
11 Eý Ýehowa, maňa rehim eýle!
Wepaly söýgiň hem hakykatyň meni elmydama gorasyn+.
12 Başyma inen belalar sanardan köpdür+.
Günälerim başymdan agdy, nirä barýanymy bilmedim+.
Ýazyklarym saçymyň taryndan köpdür,
Ýüregim gam-gussa batdy.
13 Eý Ýehowa, ýalbarýaryn, meni halas et+.
Eý Ýehowa, tiz ýetiş dadyma!+
14 Janymyň kastyna çykanlar
Abraýdan gaçyp, masgara bolsun.
Agyr günümde üstümden gülenler
Utanja galyp, gaçyp gitsin.
15 «Içiň ýansyn, saňa geregem şol!» diýenler
Masgara bolsun.
Halas etmegiňe garaşýanlar:
«Ýehowa şöhrat!»+ diýsin.
17 Ýehowa, maňa nazar sal,
Men garyp hem biçäre.