Zebur
Aýdymçylaryň ýolbaşçysyna. «Çigildem». Dawudyň aýdymy.
69 Ýa Allam, halas et, gark bolup barýaryn+.
2 Batga batdym, çümüp barýaryn+.
Deňziň düýbüne düşdüm,
Güýçli akym alyp barýar+.
3 Perýat etmekden halys ýadadym+,
Bokurdagym gyryldy.
Hudaýa garaşyp, gözlerim küteldi+.
Janymy almak isleýän,
Dönük duşmanlarym sanardan köpdür.
Ogurlykda aýyplap, elimdäki zady alýarlar.
5 Eý Hudaý, bilýärsiň, men akmaklyk etdim.
Günäm seniň nazaryňda gizlin däldir.
6 Älemiň Hökümdary, Serkerdebaşy Ýehowa!
Saňa bil baglaýanlar men sebäpli utanja galmasyn.
Ysraýyl Hudaýy!
Seni gözleýän bendeler men sebäpli masgara bolmasyn.
8 Doganlaryma keseki boldum,
Süýtdeş doganlaryma gelmişek boldum+.
10 Agyz bekläp, özümi peseltsem-de*,
Meni kemsitdiler.
11 Egnime jul* geýenimi görüp,
Il-gün üstümden güldi.
12 Şäher derwezesinde gybatymy etdiler,
Serhoşlar men hakda aýdym aýtdylar.
13 Eý Ýehowa, saňa doga edýärin,
Makul gören wagtyň dilegimi kabul et+.
14 Meni batgadan çykar, çümüp gitmäýin.
Meni ýigrenýänleriň elinden,
Ummanyň düýbünden halas et+.
16 Eý Ýehowa, sen meni söýýärsiň*, maňa jogap ber+,
Tizräk maňa jogap ber, halym harapdyr+.
18 Ýetiş, meni halas et,
Duşmanlarymyň elinden alyp gal*.
19 Masgara, biabraý we ile gülki bolanymy gördüň+.
Duşmanlarymyň ählisini bilýärsiň.
20 Meni kemsidip, ýüregime ýara saldylar,
Ýaralarym bitmedi.
Göwünlik berjegi agtardym, emma tapmadym+,
Teselli berjegi gözledim, emma birine-de duşmadym+.
22 Saçaklary olar üçin tor bolsun,
Näz-nygmatlary olara duzak bolsun+.
24 Gaharyň olaryň başyndan insin,
Gazabyň olary kül etsin+.
25 Düşelgesi boşap galsyn,
Çadyrlarynda hiç kim ýaşamasyn+.
26 Sebäbi olar Hudaýyň uranyny yzarlaýarlar,
Ýaralan adamynyň derdine dert goşýarlar.
27 Goý, eden etmişini egni bilen çeksinler*,
Sen olary dogruçyllaryň arasynda goýmarsyň.
29 Meni kösediler, ejir çekdim+,
Ýa Alla, gudratly güýjüň bilen maňa hemaýat ber.
30 Hudaýyň adyna aýdym aýdaryn,
Ony beýgeldip, wasp ederin.
31 Ýehowa üçin alkyş sözleri öküzlerden,
Şahly we toýnakly öküzçelerden has ýakymlydyr+.
32 Muny gören ýumşaklar guwansyn.
Hudaýy gözleýänleriň göwni galkynsyn.
34 Goý, asman hem ýer,
Deňiz we ondaky jandarlar, Hudaýa alkyş aýtsyn!+
35 Hudaý Siony halas eder+,
Ýahuda şäherlerini täzeden dikelder.
Hudaýyň halky ýurtda ýaşar, Sion dagyny miras alar.