18 Il-güne goşulmaýan öz bähbidini gözleýär,
Ol ähli akyldarlyga garşy gidýär.
2 Akmak düşünjäni halamaýar,
Ol ýüregindäkini görkezýär+.
3 Halk zalym kişini ýigrenýär,
Utançsyz adam abraýdan düşýär+.
4 Ynsanyň sözleri guýy kimindir+,
Akyldarlyk joşup akýan çeşme kimindir.
5 Erbediň tarapyny tutup+,
Dogruçylyň hakyny almak ýagşy däldir+.
6 Akmagyň dili dawa turuzýar+,
Sözleri taýagy çagyrýar+.
7 Akmak dilinden bela galýar+,
Agzy janyna duzak bolýar.
8 Gybatçynyň sözleri tagamly nahar ýalydyr+,
Adamlar ony ýalmap ýuwudýar+.
9 Ýalta adam galtamanlaryň dostudyr+.
10 Ýehowanyň ady berk diňdir+,
Hudaýhon ylgap baryp, pena tapýar+.
11 Baýyň mal-mülki berk galadyr,
Hyýalynda beýik diwar ýalydyr+.
12 Tekepbirlik heläkçilige eltýär+,
Pesgöwünlik at-abraý getirýär+.
13 Diňlemän jogap bermek
Akmaklyk hem utançdyr+.
14 Ruhubelent ynsan derdine döz geler+.
Emma ruhdan düşen adam nädip aýaga galar?+
15 Düşünjeli adam bilim alar+,
Paýhasly adam bilimi gözlär.
16 Sowgat berýäniň işi rowaçlanýar+,
Ol hökümdarlaryň huzuryna barýar.
17 Arzyny ilkinji aýdan hakly görünýär+,
Dawagäri gelip soraga tutýar+.
18 Bije dawany çözýär+,
Güýçli garşydaşlary ylalaşdyrýar.
19 Öýkeli adamyň göwnüni tapmak
Galany basyp almakdan kyndyr+,
Dawa-jenjel gulply derweze kimin aýra salýar+.
20 Adamyň agzyndan çykan sözler garnyny doýrar+,
Aýdan sözlerine jogap berer.
21 Ýaşaýyş we ölüm diliň ygtyýarynda+,
Geplemegi halaýanlar onuň miwesinden iýýär+.
22 Gowy gelin tapan genji-hazyna tapandyr+,
Ol Ýehowanyň ak patasyny gazanýandyr+.
23 Garyp ýalbaryp gepleýär,
Baý bolsa gödek jogap berýär.
24 Dostlar bardyr, bir-birini iýmäge taýyndyr+,
Dostlar bardyr, dogandan hem ýakyndyr+.