Zebur

115 Bizi däl, Ýehowa, bizi däl,

Öz adyňy şöhratlandyr+.

Sebäbi sen söýgä* baý hem wepalysyň+.

 3 Hudaýymyzyň tagty gökdedir,

Islegini mydama amala aşyrýandyr.

 4 Olaryň altyn⁠-⁠kümüş butlary,

Adam elleriniň işidir+.

 5 Olaryň agzy bar, ýöne geplemeýär+,

Gözleri bar, ýöne görmeýär.

 6 Olaryň gulagy bar, ýöne eşitmeýär,

Burny bar, ýöne ys almaýar.

 7 Olaryň eli bar, ýöne tutup bilmeýär,

Aýagy bar, ýöne ýöräp bilmeýär+,

Bogazyndan ses çykmaýar+.

 8 Butlary ýasanlar,

Butlara bil baglaýanlar+,

Olaryň özleri ýaly bolar+.

 9 Ysraýyl, Ýehowa bil bagla!+

Ol hemaýatkärimiz, galkanymyz+.

10 Harunyň öýi+, Ýehowa bil bagla!

Ol hemaýatkärimiz, galkanymyz.

11 Ýehowadan gorkýanlar, Ýehowa bil baglaň!+

Ol hemaýatkärimiz, galkanymyz+.

12 Ýehowa bizi unutmaz, ak pata berer,

Ysraýylyň öýüni,

Harunyň öýüni ýalkar+.

13 Ýehowa hudaýhonlara*,

Olaryň uludan⁠-⁠kiçisine bereket berer.

14 Ýehowa sizi köpelder,

Birgiden ogul⁠-⁠gyzlaryňyz bolar+.

15 Goý, ýeri⁠-⁠gögi Ýaradan+,

Ýehowa sizi ýalkasyn!+

16 Asman Ýehowanyňkydyr+,

Ol ýer ýüzüni ynsan ogullaryna berendir+.

17 Ölen adamlar Ýaha alkyş aýdýan däldir+,

Ölüm ukusyna gidenler*+ wasp edýän däldir.

18 Biz häzirem, gelejekde⁠-⁠de,

Ýaha alkyş aýdarys!