Zebur

78 Eý halkym, kanunyma* gulak goý,

Agzymdan çykan sözlerimi diňle.

 3 Bilen hem eşiden zatlarymyzy,

Ata⁠-⁠babalarymyz gürrüň beripdi+.

 4 Biz hem olaryň agtyklaryndan hiç zady gizlemeris,

Geljekki nesillere aýdyp bereris+.

Ýehowanyň öwgä mynasyp işlerini, güýç⁠-⁠kuwwatyny+,

Eden gudratlaryny gürrüň bereris+.

 5 Ol Ýakuba tabşyryk*,

Ysraýyla kanun berdi.

Kanunlaryny ogullaryna öwretmegi+

Ata⁠-⁠babalarymyza tabşyrdy.

 6 Şonda geljekki nesil hem,

Dünýä injek çagalar hem bilerler+,

 7 Olar Hudaýa bil baglarlar,

Allanyň eden işlerini unutmazlar+,

 8 Olar ata⁠-⁠babalary ýaly,

Kesir we gozgalaňçy bolmazlar+,

Hudaýa göwünli⁠-⁠göwünsiz gulluk etmezler+,

Biwepa halk bolmazlar.

 9 Efraýym ogullarynyň ok⁠-⁠ýaýy bolsa⁠-⁠da,

Söweş güni gaçyp gitdiler.

10 Hudaý bilen eden ähtini bozdular+,

Onuň kanunyna boýun bolmadylar+.

11 Olar Allanyň eden işlerini,

Görkezen gudratlaryny unutdylar+.

12 Alla Müsür topragynda, Suwan ýurdunda+,

Ata⁠-⁠babalarynyň gözüniň alnynda gudratlar görkezdi+.

13 Deňzi bölüp, olar üçin ýol açdy,

Suwlary diwar kimin galdyrdy+.

14 Gündizine bulut bilen,

Gijesine oduň ýalny bilen ýol görkezdi+.

15 Çölde gaýalary ýardy,

Halky içip ganýança suw berdi+.

16 Gaýadan suw çykaryp,

Derýa kimin akdyrdy+.

17 Emma olar günä üstüne günä etdiler,

Çölde Allatagala* garşy gozgalaň turuzdylar+.

18 Olar Hudaýy synap*,

Açgözlük bilen çörek talap etdiler+.

19 «Hudaý çölüň ortasynda saçak ýazyp bilermi?» diýip,

Alla garşy hüňürdeşdiler+.

20 Ol gaýany urdy,

Suw joşup akdy, çeşme⁠-⁠çaýlar peýda boldy+.

Olar şonda⁠-⁠da: «Hudaý çörek berermi?

Halkyna et iýdirip bilermi?» diýdiler+.

21 Muny eşidip, Ýehowanyň gahary geldi+,

Ýakuba gazaby lowlap ýandy+,

Ysraýyla gahary tutaşdy+.

22 Olar Hudaýa iman etmediler+,

Halas edip biljekdigine ynanmadylar.

23 Şonda ol gögüň derwezelerini açdy,

Bulutly asmana buýurdy.

24 Hudaý olara asmandan galla berdi,

Iýere manna ýagdyrdy+.

25 Adamlar perişdeleriň* çöreginden iýdi+,

Hudaý olara doýýança iýmit berdi+.

26 Alla asmanda gündogar ýelini turuzdy,

Güýji bilen günorta ýelini öwüsdirdi+.

27 Eti olaryň üstüne tozan kimin,

Guşlary deňiz çägesi kimin ýagdyrdy.

28 Guşlary düşelgelerine,

Çadyrlarynyň daş⁠-⁠töweregine ýagdyrdy.

29 Olaryň göwün islän zadyny berdi+.

Olar açgözlük bilen iýdiler.

30 Gözleri doýmansoň,

Iýenlerini ýuwutmanka,

31 Hudaýyň olara gahary geldi+,

Batyrlaryny gyrdy+,

Ysraýylyň goç ýigitlerini öldürdi.

32 Emma olar günä üstüne günä etdiler+,

Onuň ajaýyp işlerine ynanmadylar+.

33 Olaryň ömri bir demde ötüp gitdi+,

Ýyllary gorky içinde geçip gitdi.

34 Hudaý olary gyryp başlanda,

Yzyna dolanyp, Allany gözlediler+.

35 Hudaýyň Arkadagdygy+,

Allatagalanyň Halasgärdigi+ olaryň ýadyna düşdi.

36 Olar agzy bilen aldamak islediler,

Dili bilen ýalan sözlediler.

37 Hudaýa ýürekden gulluk etmediler+,

Ähtine wepaly bolmadylar+.

38 Emma ol rehim etdi+,

Heläkçilik indermän, günälerini bagyşlady+.

Gazaba münse⁠-⁠de+,

Gaharyny saklady.

39 Olaryň toprakdandygy+,

Şemal kimin geçip*, yzyna dolanmaýandygy ýadyndady.

40 Çölde ençeme gezek gozgalaň turuzdylar+,

Çöl⁠-⁠beýewanda Hudaýyň ýüregini agyrtdylar+.

41 Gaýta⁠-⁠gaýta Allany synadylar+,

Ysraýylyň Mukaddes Hudaýynyň ýüregine ýara saldylar.

42 Olar Allanyň güýçli goluny,

Duşmanlardan halas eden gününi ýatlamadylar+.

43 Müsür topragynda eden alamatlaryny+,

Suwan ýurdunda görkezen gudratlaryny unutdylar.

44 Adamlar akar suwdan içmesinler diýip,

Nil derýasynyň suwuny gana öwürdi+.

45 Müsüri siňeklere* şam etdi+.

Gurbagalary çozduryp, öýlerini weýran etdi+.

46 Ekinlerini ýalmap⁠-⁠ýuwudýan çekirtgelere,

Der döküp alan hasylyny çekirtge sürüsine iýdirdi+.

47 Üzüm baglaryny jöwenek* bilen+,

Ýabany injir agaçlaryny buz bilen döwdi.

48 Ýabany haýwanlary jöwenek bilen ýok etdi+,

Mal⁠-⁠garalaryny ýyldyrym* bilen kül etdi.

49 Ol gahar⁠-⁠gazaba mündi,

Olardan närazy bolup, bela⁠-⁠betere duçar etdi.

Başlaryna heläkçilik indermek üçin perişdelerini iberdi.

Olary ölüm penjesine berdi,

Mergi bilen gyryp taşlady.

51 Ahyrynda Müsüriň ähli nowbaharlaryny+,

Hamyň çadyrlarynda ilkinji doglanlary öldürdi.

52 Soňra halkyny goýun sürüsi kimin çykardy+,

Çölde olara ýol görkezdi.

53 Howpsuz ýerden ýöretdi,

Olar gorky⁠-⁠ürküni bilmedi+.

Duşmanlaryny deňiz ýuwutdy+.

54 Olary mukaddes mekanyna+,

Sag eli bilen basyp alan daglaryna getirdi+.

55 Olaryň öňünden halklary kowup çykardy+,

Ýer paýlaryny ölçeg ýüpi bilen ölçäp berdi+.

Ysraýyl taýpalaryna ýaşar ýaly jaý berdi+.

56 Emma gozgalaň turzup, ýene Allatagalany synadylar+,

Öwüt⁠-⁠ündewlerine* ünsem bermediler+.

58 Seždegählerde* butlara tagzym edip, ony ynjatdylar+,

Oýma butlary bilen gaharyny getirdiler*+.

59 Hudaý olary görüp gaharlandy+,

Ysraýyldan bütinleý ýüz öwürdi.

60 Ahyry Şilodaky çadyryny+,

Halkynyň arasyndaky mekanyny terk etdi+.

61 Ol äht sandygyny duşman eline berdi+,

Güýji hem şan⁠-⁠şöhraty ýesirlige gitdi.

62 Mirasyna gaharlandy,

Halkyny duşman gylyjy bilen öldürdi+.

63 Onuň ýigitlerini ot ýalmap ýuwutdy,

Gyzlaryna toý aýdymy aýdylmady.

64 Ruhanylary gylyçdan geçirildi+,

Dul galan aýallary aglamady+.

65 Şonda Ýehowa ukudan oýanan adam deý+,

Serhoşlykdan açylan pälwan deý+ ýerinden turdy.

66 Duşmanlaryny yzyna kowdy+,

Hemişelik masgara etdi.

67 Ýusubyň çadyryndan ýüz öwürdi,

Efraýym taýpasyny saýlamady.

68 Ol ýahuda taýpasyny+,

Söýgüli Sion dagyny saýlady+.

69 Mukaddes mekanyny asman kimin+ berkitdi,

Ebedilik duran Ýer kimin etdi+.

70 Guly Dawudy+ seçip saýlady,

Agyllaryň arasyndan getirdi+.

71 Owlak⁠-⁠guzuly sürüden alyp geldi.

Ýakubyň, halky ysraýylyň üstünden,

Çopan edip belledi+.

72 Dawut hem olary bütin ýüregi* bilen bakdy+,

Güýçli gollary bilen ýol görkezdi+.