Günäden we ölümden biz nädip gutulýarys?

35 Ilkinji ynsan Adam-atanyň günä edenligi ýadyňa düşýärmi? Ol ýaşaýşy we jenneti ýitirdi we biz onuň çagalary bolanymyz üçin, barymyz ölýäris (Rimliler 5:12; 3:23).

36 Indi, biziň ölümden gutulyp ýene-de kämil ýaşaýşy almagymyz üçin bir kämil adamyň jany töleg hökmünde berilmegi gerekdi (1 Korintoslylar 15:45; Rimliler 5:19, 21).

37 Isa Hudaýyň Ogludy. Ol kämil adamdy. Ol günä etmeýärdi (Ýewreýler 5:9; 7:26).

38 Ol, Hudaýy söýmeýän adamlara, özüni öldürmäge ýol berdi (Resullaryň Işleri 2:23).

Şeýdip ol özüni biziň ugrumyzda gurban etdi (1 Timoteos 2:6).

39 Isa gaýada ýasalan gowakda, ýagny gabyrda jaýlandy. Ol üç günläp ölüdi. Onsoň Hudaý ony direltdi (Resullaryň Işleri 2:24).

40 Ol göge dolandy. Indi, Hudaýa gulak asýan adamlar üçin Isa Atasyndan kömek diläp bilýär (Ýewreýler 9:24; 1 Ýahýa 2:1, 2).