Ýadyňyzdamy?

Biz dilimiz bilen ot ýakmaz ýaly, oňa nädip erk edip bileris?

Ilki bilen, biz ýüregimizi barlamaly. Dilimiz bilen ot ýakmaz ýaly, biz erbet pikirlerden gaça durýarysmy? Meselem, haýsydyr bir dogana hormatly borjuň berlendigini eşitsek, onuň ýagşy niýetlidigine ynanýarysmy ýa-da ol at-abraýa kowalaşýandyrys öýdýäris? Dartgynly ýagdaýa düşsek hem tankytlamagymyz mümkin (15.8. sahypa 21).

Imanyň we sabryň näme baglanyşygy bar?

Imanyň gowşak bolsa, Ýehowanyň wadalaryna sabyrly garaşyp bolmaýar. Ýehowanyň gadymy gullukçylary gaýta-gaýta gorkunç ýagdaýlara we iman synaglaryna duşsalar-da, çydap bildiler, sebäbi Ýehowanyň wadalarynyň hökman ýerine ýetjekdigine berk ynanýardylar (15.9. sahypa 20).

Dünýäniň soňy gelmänkä, haýsy wakalar ýerine ýetmeli?

«Her zat parahatlyk, aman» diýip yglan ediler. Halklar «Beýik Babyla» topulyp, ony ýok eder. Ýehowanyň halkyna topularlar. Armageddon urşy bolar, soňra bolsa Şeýtan we onuň jynlary düýpsüz çuňluga zyňlar (15.9. sahypa 4).

Zalym dünýäniň haçan ýok ediljegini bilmeýändigimiz näme üçin peýdaly?

Biz zalym dünýäniň ýok ediljek wagtyny anyk bilmesek, ýüregimiziň nähilidigi äşgär bolýar. Bu Ýehowanyň ýüregini şatlandyrmaga mümkinçilik berýär, jan aýaman gulluk etmäge höweslendirýär. Şeýle-de Ýehowa köpräk bil baglamaga we onuň Sözüne has yhlasly eýermäge mümkinçilik döredýär. Onsoňam, synaglarda gowy häsiýetleri ösdürip, imanymyzy berkidýäris (15.9. sahypa 24, 25).

Pawlus Galatýalylar 6:18-de «ruh» sözüni nähili manyda ulandy?

Pawlusyň bu aýatda ulanan «ruh» sözi bizi geplemäge ýa-da hereket etmäge höweslendirýän güýji aňladýar. Ol «Reb... seniň ruhuň bilen bolsun» diýip, doganlary Hudaýyň niýetine we Mesihiň häsiýetine laýyk gelýän ruhy görkezmäge höweslendirdi (15.10. sahypa 12).

Isanyň sag elindäki «ýedi ýyldyz» näme aňladýar? (Ylh. 1:16, 20)

Olar mesh edilen mesihçileri, has giň manyda bolsa, ýygnakdaky ähli gözegçileri aňladýar (15.10. sahypa 14).

Isa Mesihiň şägitleri haýsy ýagdaýlarda iň wajyp «hawa» sözüni aýdýar?

Kim Isanyň şägirdi bolmak isleýän bolsa, üç ýagdaýda: wagyzçy boljak bolanda, özüni bagyş edende we suwda çokundyrylmaly gün gelip ýetende, berlen soraga «hawa» diýip jogap berýär (15.10. sahypa 30).

Biz Resullaryň işleri 14:22-de aýdylýan «köp muşakgatlara» nähili garamaly?

Kynçylyga uçranymyzda tukatlanmagyň deregine, oňa mertligimizi bildirmäge we Hudaýyň kömek etmegi başarýandygyna iman edýändigimizi görkezmäge mümkinçilik hökmünde garamaly (15.10. sahypa 9).

Isa Işaýa 50:4, 5-nji aýatlarda aýdylýan kiçigöwünligi nädip görkezdi?

Aýatlardan görnüşi ýaly, «dana dil berlen... yza çekilmändir». Isa Ýehowanyň öwredýänlerini ünsli diňlemek üçin özüni pes göwünli alyp bardy. Ol Hudaýyň günäli adamlara bildirýän rehimdarlygyny ýakyndan synlap, Ýehowadan pesgöwünliligi öwrenmäge isleginiň we taýýarlygynyň bardygyny görkezdi (15.11. sahypa 11).