Okyjylaryň sowallary

Eger durmuş gurmadyk oglan bilen gyz gijäni bir ýerde geçirse, bu agyr günä hasaplanýarmy?

Eger degerli sebäpler bolmasa, bu agyr günä hasaplanýar we ahlaksyzlyk edilendigini görkezýän anyk subutnamalar esasynda düzediş komiteti düzülýär (1 Kor. 6:18).

Ýaşulular maslahaty düzediş komitetini düzmezden öň, ýüze çykan ýagdaýy ünsli öwrenýär. Meselem, olaryň arasynda ýerliksiz hereketler boldumy? Olara bu babatda öň maslahat berlipdimi? Olaryň gijäni bir ýerde geçirmegine näme sebäp boldy? Olar muny öňünden planlaşdyrdylarmy? Olar gijäni bir ýerde geçirmänem bilerdimi ýa-da garaşylmadyk ýagdaý sebäpli olar alaçsyz bir öýde galmaly boldumy? (Wag. 9:11). Olar nirede ýatdylar? Aýry otagdamy ýa-da bir ýerde? Her ýagdaý bir-birinden tapawutlanýandygy üçin, belki, ýaşulular başga-da käbir zatlary göz öňünde tutmaly bolar.

Gerekli maglumatlar ýygnalansoň, ýaşulular maslahaty düzediş komitetini düzmelimi ýa-da düzmeli däldigini çözer.