Sowally bukja

◼ Näme üçin wagyzçylar ýaşaýan ýerindäki ýygnaga barmaly?

Ähli işlerde teokratik düzgün-tertibi saklamak wajyp. Pawlus resul şeýle diýdi: «Hudaý tertipsizlik Hudaýy däl-de... parahatlyk Hudaýydyr. Ýöne herki zat sypaýyçylyk hem tertip bilen bolsun» (1 Kor. 14:33, 40).

Käbir ýagdaýlarda ulagyň wagtynda gatnamaýandygy, iş wagtynyň gabat gelmeýändigi we ýygnakda gözegçilik etmelidigi sebäpli başga ýygnaga barmaly bolýar. Emma ýaşaýan ýeriňdäki ýygnaga barsaň gowy bolar. Sebäbi wagyz etmek ammatly bolýar we wagyz duşuşygyna barmak üçin daş gitmeli bolmaýar. Şeýle-de bu ýygnagyňdaky dogan-uýalar bilen gulluk etmäge gowy mümkinçilik berýär we gyzyklanýan adamlary ýaşaýan ýerindäki ýygnaga eltmek ammatly bolýar. Galyberse-de, golaýda ýaşaýan dogan-uýalar bilen ýakyn gantaşyk saklarys we kynçylyga düşenimizde olar bize kömek eder.

Biz şeýle düzgün-tertibe eýerip, Hudaýyň Patyşalygyny birinji orunda goýýarys (Luka 16:10). Elbetde, täze ýygnak ýa-da topar dörände öňki dostlarymyz bilen aýrylyşmak kyn bolýar. Emma täze ýygnakda we toparda täze dost edineris we ençeme dogan-uýalar bilen tanşyp, gulluk ederis. Şeýle-de wagyzçylar ýaşaýan ýerindäki ýygnaga barsa we dogan-uýalar bilen gatnaşsa, ýaşululara gözegçilik etmek aňsat bolar.