«Güwä geçmek»
1. Pawlus resul wagyz etmekde nähili ajaýyp görelde galdyrdy?
1 «Sen... hyzmatyňy doly (TD) bitir» (2 Tim. 4:5). Pawlus resul bu maslahaty Timoteosa päk ynsap bilen berýär. Dogrudan-da, Pawlus resul b. e. 47-nji we 56-njy ýyllar aralygy üç missioner gullugyny ýerine ýetirdi. Resullaryň işleri kitabynda Pawlus resulyň doly «güwä geçendigi» hakynda birnäçe gezek aýdylýar (Res. iş. 23:11; 28:23). Şu günler biz nädip Pawlus resulyň göreldesine eýerip bileris?
2. Öýden-öýe nädip doly güwä geçip bileris?
2 Öýden-öýe. Hoş habary eşitmedik adamlara wagyz etmek üçin dürli wagtda barmaga jan etmeli. Köplenç adamlar agşamara ýa-da dynç günleri öýünde bolýarlar. Biz öýünde bolmadyk adamlaryň her biri bilen gürrüňdeş bolmak üçin elimizde baryny etmeli. Eger biz şonda-da olary tapmasak näme? Onda hat ýa-da telefon arkaly wagyz etse bolar.
3. Sen nädip aç-açan we resmi däl ýagdaýda wagyz edip bilersiň?
3 Aç-açan we resmi däl. Şu günler Ýehowanyň gullukçylary diňleýän adamlaryň ählisine hakyky «hikmeti» öwredýärler. Olar käte «köçede» ýa-da «bazar ýerlerinde» wagyz edýär (Sül. tym. 1:20, 21). Biz gündeki işlerimiz bilen meşgul bolup ýörkäk wagyz etmelidigine düşünýärismi? Hudaýyň Sözüni yhlasly wagyz edýärismi? (Res. iş. 18:5). Eger şeýle edýän bolsak, «wagyz edip, güwä geçmek» borjumyzy doly ýerine ýetirýäris (Res. iş. 10:42; 17:17; 20:20, 21, 24).
4. Doga we oýlanmak doly güwä geçmäge nädip ýardam edýär?
4 Käte biz gowşaklygymyz ýa-da çekinjeňligimiz sebäpli wagyz etmezligimiz mümkin. Elbetde, Ýehowa biziň ýagdaýymyza düşünýär (Zeb. 103:14). Emma şeýle ýagdaýda, batyrgaý wagyz etmek üçin doga etmeli (Res. iş. 4:29, 31). Şeýle-de şahsy okuw geçirip, Hudaýyň Sözi barada oýlananda, hoş habaryň gadyr-gymmatyna çuňňur minnetdarlygymyzy bildirip bileris (Flp. 3:8). Bu bize yhlasly wagyz etmäge ýardam eder!
5. Biz Ýoweliň pygamberligini nädip berjaý edýäris?
5 Ýowel (Ýowel) pygamber Ýehowanyň beýik elhenç güni gelmezinden öň, Hudaýyň halkynyň «ýörejekdigini» we olara wagyz etmäge hiç zat päsgel bermejekdigini pygamberlik etdi (Ýowel 2:1, 7—9). Hiç haçan gaýtalanmajak wagyz işine gatnaşmak üçin elimizde baryny edeliň!