Wagyz üçin teklip

◼ «Biz köp adamlary gyzyklandyrýan sorag barada gysgaça gürrüň edýäris. Adam haýsy dine uýsa-da Hudaýa doga edýär. Siziň pikiriňizçe, Hudaý dogalara jogap berýärmi ýa-da doga etmeklik bize kynçylyga düşenimizde özümizi ýöne bir rahat duýmaga kömek edýär? (Jogap bersin). Mukaddes Ýazgylarda doga etmek barada näme diýilýändigine üns beriň (1 Ýahýa 5:14-i oka). Şu kitapda Hudaýa doga etmegiň nähili peýda berýändigi barada gürrüň edilýär» («Mukaddes Ýazgylar öwredýär» kitabynyň 17-nji babynyň 11, 16—19-njy abzaslaryna serediň). Ikilenç idege gepleşiň.

◼ «Biz köp adamlary biynjalyk edýän kynçylyk barada gürrüň edýäris. Käbir adamlar kynçylyklar sebäpli şeýle bir göwnüçökgünlige düşýär welin, hatda öz janyna kast etmek barada hem pikir edip başlaýarlar. Siziň pikiriňizçe, şeýle adamlaryň dogrudanam ölesi gelýärmikä ýa-da olar aslynda jebir-jepasyndan dynmak isleýärmikä? (Jogap bersin). Mukaddes Ýazgylarda ýaşamaga umyt berýän ajaýyp wadalar bar. Olar ençeme adamlara kalbynda rahatlyk duýmaga kömek etdi (Ylham 21:3, 4-nji aýatlary oka). Şu kitapda adamyň kynçylyklara garamazdan, näme üçin ýaşaýşy gymmat saýmalydygy barada gürrüň edilýär» («Mukaddes Ýazgylar öwredýär» kitabynyň 13-nji babynyň 3, 4, 7, 8-nji abzaslaryna ýa-da 3-nji babynyň 15—24-nji abzaslaryna serediň). Ikilenç idege gepleşiň.