MESIHÇILERIŇ DURMUŞY

Wagyz etmek tejribäňizi artdyryň. «Özüňizi Hudaýyň sögüsinde saklaň» atly kitap arkaly adamyň ýüregine täsir ediň

BU NÄME ÜÇIN WAJYP? Adamlar Ýehowanyň kada-kanunlaryny öwrenmeli we Hudaýa ýaramly sežde eder ýaly, onuň talaplaryna görä ýaşamaly (Iş 2:3, 4). «Hudaýyň söýgüsi» atly ikinji kitap okuw geçýäne Hudaýyň kada-kanunlaryny gündelik durmuşynda nädip ulanmalydygyna düşünmäge kömek edýär (Ýew 5:14). Adamlar bilen okuw geçenimizde, özgerişlik edip biler ýaly olaryň ýüregine täsir etjek bolmaly (Rm 6:17).

Uýa bir aýal bilen Mukaddes Ýazgylar okuwyny geçýär

MUNY NÄDIP ETMELI?

Okuw geçýäniň zerurlygyny göz öňünde tutup, gowy taýýarlyk görüň. Geçilýän temanyň onda nähili pikirleri we duýgulary döredýändigini bilmek üçin, oňa sorag beriň (Sült 20:5; be 259).
Okuw geçýän adam Mukaddes Ýazgylaryň kada-kanunlarynyň peýdalydygyna düşüner ýaly çarçuwalary ulanyň.
Okuw geçýäne ynsabyna görä karara gelmegi öwrediň, ýöne oňa derek karara gelmäň (Gl 6:5).
Okuw geçýäne haýsy kada-kanunlara eýermäge kömek etmelidigini anyklajak boluň. Ýöne ony sypaýyçylyk bilen ediň. Oňa Ýehowany söýmegiň özgerişlik etmäge kömek edýändigini ýumşaklyk bilen düşündiriň (Sült 27:11; Ýah 14:31).