Doganlyk söýginiň güýji

ÝOMARA jigileri Marselo we Iwer bilen Gwatemalanyň kiçijik obasynda ýaşaýar. Olaryň gözi görmeýär. Ýomara Mukaddes Kitap okuwyny geçip başlaýar. Biraz wagtdan jigileri hem Mukaddes Kitap okuwyna başlaýar. Olara okuw geçýän wagyzçy sapagy we aýatlary okap berýärdi, sebäbi üçüsem Braýl elipbiýini bilenokdy.

Ýomara bilen jigilerine ýygnaga barmak kyn bolýardy, sebäbi Ýygnak jaýyna barmak üçin azyndan 40 minut gerekdi. Şonuň üçin dogan-uýalar olary duşuşyklaryň ählisine äkidip getirýärdiler. Soňra olar wagyz mekdebine ýazylýarlar. Dogan-uýalar olara ýumuşlaryny hem ýat tutmaga kömek etdiler.

2019-njy ýylyň maý aýynda olaryň obasynda ýygnak döreýär we pioner är-aýal göçüp barýar. Är-aýal Ýomara we jigilerine Braýl elipbiýini öwretmek isleýärdi, ýöne şol elipbiýi olaryň özlerem bilmeýärdi. Olar maksadyna ýetmek üçin kitaphana gatnap, Braýl elipbiýini we ony okatmagyň usulyny öwrendiler.

Şeýdip, Ýomara we jigileri birnäçe aýyň içinde Braýl elipbiýinde okamagy öwrendiler.a Olar ruhy taýdan çalt ösüş edip, pioner boldular. Marselo bolsa ýygnak hyzmatçysy boldy. Ýomara we jigileri ruhy çärelere yhlasly gatnaşýarlar. Olaryň göreldesi beýleki dogan-uýalary hem yhlasly bolmaga höweslendirýär.

Süýtdeş doganlaryň kalby minnetdarlykdan doly. Ýomara şeýle gürrüň berýär: «Dogan-uýalar bizi ilkinji gezek görenlerinden mähri bilen çoýdular». Marselo bolsa şeýle diýýär: «Ajaýyp dostlarymyz bilen bir ýygnakda gulluk edýändigimize we bütindünýä doganlygyň agzasydygymyza diýseň begenýäris». Ýomara bilen jigileri ýer ýüzüniň Jennete öwrüljek wagtyny görmäge sabyrsyzlyk bilen garaşýarlar (Zeb. 37:10, 11; Işa. 35:5).