15-nji sapak

Adamlara Hudaýyň islegini berjaý etmäge nädip kömek etmeli

Näme üçin öwrenen gowy zatlaryň barada adamlara aýtmak gerek? (1)

Hoş habary kime aýtsaň bolýar? (2)

Seniň özüňi alyp barşyň adamlara nähili täsir edip biler? (2)

Ýygnak bilen wagyz etmäge haçan başlamak bolýar? (3)

1. Häzire çenli sen Mukaddes Ýazgylardan köp gowy zatlary bildiň. Bu bilimler seni mesihçi şahsyýet bolup ösmegiňe höweslendirmeli (Efesliler 4:22—24). Ebedi ýaşaýşa ýetmek üçin, Mukaddes Ýazgylardan bilim almak zerurdyr (Ýahýa 17:3). Emma, başga adamlaryň hem halas bolmagy üçin, olaryň hem hoş habary eşitmekleri gerek. Hemme hakyky mesihçiler başga adamlara güwälik etmelidir. Muny Hudaý buýurdy (Rimliler 10:10; 1 Korintoslylar 9:16; 1 Timoteos 4:16).

2. Sen indi, öwrenen ýagşy zatlaryň barada öz ýakynlaryň bilen pikir alyşmagy başlap bilersiň. Bu barada öz maşgalaňa, dostlaryňa, mekdep ýoldaşlaryňa we işdeşleriňe aýdyp ber. Muny aýdaňda mylakatly we sabyrly bol (2 Timoteos 2:24, 25). Ýadyňda bolsun, adamlar köplenç seniň aýdan zadyňy diňlemekden öňürti seniň özüňi alyp barşyňa seredýändirler. Şol sebäpli, hut seniň özüňi gowy alyp barşyň adamlary wagyz edýän habaryňa çekip biler (Matta 5:16; 1 Petrus 3:1, 2, 16).

3. Wagty gelende, mümkin, saňa Ýehowanyň Güwäleriniň ýygnagy bilen bile, öz ýaşaýan töweregiňde wagyz etmäge mümkinçilik beriler. Bu, mesihçilik ýolunyň möhüm pursatydyr (Matta 24:14). Haçan-da kimdir birine Ýehowanyň gullukçysy bolmaga we ebedi ýaşaýşy almaga kömek edeniňde, gör nähili şadyýanlyk bolýar! (1 Selanikliler 2:19, 20).