Geçmişden sapak. Üç ýewreý ýigit

Wawilonyň golaýyndaky Deýra düzlüginde Hananýa, Mişaýyl we Azarýadan başga hemme adamlar beýik heýkeliň öňünde baş egýär. Daş-töweregindäki adamlaryň täsirine düşmän we patyşanyň haýbatyndan gorkman, olar berk durlar. Nebukadnesar patyşa hormat goýsalar-da, olar ynam bilen Ýehowa gulluk etmegini bes etmejekdiklerini aýdýar (Danyýel 1:6; 3:17, 18).

Bu ýigitler Wawilona alnyp gidilen wagty gaty ýaşdy. Şol wagt olar ýaşdygyna garamazdan, Hudaýyň Kanunyna görä, gadagan edilen iýmitleri iýmejekdiklerini aýdyp, imanynyň berkdigini görkezdiler. Bu bolsa olary bolup biläýjek synaglara taýýarlady (Danyýel 1:6—20). Olar öz durmuşynda Ýehowa gulak asmagyň paýhaslydygyna göz ýetirdiler. Senem deň-duşlaryň täsirine garamazdan, Hudaýyň tabşyryklaryna gulak asmagy ýüregiňe düwdüňmi? Heniz ýaş wagtyň kiçi zatlarda Ýehowa gulak asmagy öwrenseň, bu saňa gelejekde bolup biljek synaglarda wepaly galmaga kömek eder (Süleýmanyň tymsallary 3:5, 6; Luka 16:10).