ŞÄGIRT TAÝÝARLAŇ
10-NJY SAPAK
Ýüregiňize berk düwüň
Aýat: «Biz sizi ýürekden söýýäris. Size diňe bir Hudaýyň hoş habaryny wagyz etmän, eýsem siziň üçin janymyzy bermäge-de taýyndyk» (1 Sel. 2:8).
Isa pygamber näme etdi?
1. WIDEONY görüň ýa-da Ýahýa 3:1, 2-nji aýatlary okaň. Soňra aşakdaky soraglar hakda oýlanyň:
a) Nikodim näme üçin Isa pygamberiň ýanyna gije gelýär? (Ýahýa 12:42, 43).
b) Isa pygamber şägirt taýýarlamagy ýüregine düwendigini nädip görkezýär?
Biziň üçin sapak
2. Biz şägirt taýýarlamak üçin wagtymyzy we güýjümizi gaýgyrmasak, adamlary söýýändigimizi subut ederis.
Isa pygamberiň göreldesine eýeriň
3. Adama amatly ýerde we wagtda okuw geçiň. Belki, ol günüň belli bir wagty ýa-da hepdäniň belli bir güni okuw geçmek islär. Ýa-da ol işinde, öýünde, seýilgähde okuw geçmek islär. Mümkin bolsa, oňa amatly wagtda we ýerde okuw geçmek üçin jan ediň.
4. Her hepde okuw geçiň. Belleşen günüňiz baryp bilmeseňiz, sapagy goýbolsun etmäň. Belki, siz...
a) hepdäniň başga güni bararsyňyz.
b) telefon ýa-da wideoaragatnaşyk arkaly sapak geçersiňiz.
ç) sapak geçmegi başga birinden haýyş edersiňiz.
5. Adamdan göwnüňiz geçmez ýaly, Ýehowa doga ediň. Belki, oňa her hepde okuw geçmek ýa-da Mukaddes Kitabyň maslahatlaryna eýermek kyndyr. Umydyňyzy üzmän, oňa kömek eder ýaly we ýagşy häsiýetlerini görer ýaly, Ýehowa doga ediň (Flp. 2:13).