Sowally bukja

● Haýsy ýagdaýlarda gulluk hyzmatçysy başga ýygnakda doklad bilen çykyş edip biler?

Mukaddes Ýazgylara laýyklykda, ýygnakda çykyş etmek we öwretmek ýaşululara tabşyryldy (1 Tim. 5:17; 3:2). Mümkin bolsa, doklad bilen ýaşulular çykyş etmeli. Eger-de ýygnaklar öz arasynda bir-biri bilen dokladçy çalyşyp duraýanda-da, ýeterlik ýaşuly bolmasa, onda ýaşulular maslahaty käbir gulluk hyzmatçylary öz ýygnagynda doklad bilen çykyş etmäge belläp biler.

Adaty ýagdaýlarda, başga ýygnaklarda doklad bilen çykyş etmek üçin diňe ýaşulular bellenilýär. Ýöne şol töwerekde ýeterlik ýaşuly ýok bolsa, onda jemagat duşuşygyny yzygiderli geçirmek üçin golaýdaky ýygnagyň gulluk hyzmatçylaryndan doklad bilen çykyş etmegi haýyş etse bolar. Gulluk hyzmatçysynyň çykyşy hakda haýyş baş gözegçä aýdylsa hem-de ýaşulular maslahaty şol gulluk hyzmatçy oňat çykyş edip biler öýtse, onda ony başga ýygnakda çykyş etmäge belläp bilerler. Şeýlelikde, gulluk hyzmatçylar ýörite haýyş bilen çagyrylmadyk bolsa, onda başga ýygnaklarda diňe ýaşulular çykyş edip bilýär. Käwagtlar käbir ýerlerde dokladçy tapmak asla kyn bolsa, onda «sadyk hem akylly hyzmatkäriň» berýän jikme-jik konspektini ýygnaga okap bermeli. Şonda doganlar aýatlary açyp, bilelikde pikir alşyp biler. Şeýdip, dokladçy ýetmeýän ýerlerde hem hemmeler jemagat duşuşygy arkaly berilýän ruhy nahardan iýmitlenip durar.