Uly-kiçi hemmä görelde

Ol Hudaý bilen mähirli we ýakyn aragatnaşykdady. Ol Hudaýyň islegini berjaý etmek üçin özüni bagyş edipdi. Ol «Hudaý bilen ýöredi» we sylaglandy. Ol adam Nuh. Nuhdan uly-kiçi hemmeler görelde alyp biler (Bar. 6:9, TD). «Ol Hudaý bilen ýöredi» diýen Nuh baradaky wideofilmi görseň, sen Nuhuň durmuşynyň nähili bolandygyny göz öňüne getirip bilersiň, onuň Ýehowanyň patasyna näme üçin mynasyp bolandygyna düşünersiň hem-de onuň gowy häsiýetlerinden görelde alyp bilersiň.

DVD wideodiskinde Nuhuň filmi bilen birlikde özüňi barlamak üçin soraglar berilýär. Filmi gör-de, aşakdaky soraglara jogap berip özüňe baha ber. 1) Käbir perişdeler nähili erbetlik etdi we äpet adamlar kimler? (Bar. 6:1, 2, 4). 2) Adamlar näme üçin erbetleşdi we Hudaý olara nähili garady? (Bar. 6:4—6). 3) Nuh pygamber başga adamlardan nähili tapawutlanýardy? (Bar. 6:22). 4) Erbetler nädip ýok edildi? (Bar. 6:17). 5) Gäminiň ululygy nähilidi? (Bar. 6:15). 6) Nuh ýene näme etdi we adamlar oňa nähili seslendi? (Mat. 24:38, 39; 2 Pet. 2:5). 7) Gämide her haýwandan näçesi bardy? (Bar. 7:2, 3, 8, 9). 8) Näçe wagtlap ýagyş ýagdy we ýer ýüzünde suw näçe wagtlap boldy? (Bar. 7:11, 12; 8:3, 4). 9) Nuh we onuň maşgalasy näme üçin diri galdy? (Bar. 6:18, 22; 7:5). 10) Gämi nirede durdy? (Bar. 8:4). 11) Nuh gämiden çykyp bolýandygyny nädip bildi? (Bar. 8:6—12). 12) Nuh gämiden çykyp näme etdi? (Bar. 8:20—22). 13) Älemgoşar nämäni aňladýar? (Bar. 9:8—16). 14) «Hudaý bilen ýöremek» näme? (Bar. 6:9, 22; 7:5). 15) Jennetde Nuhy görer ýaly, biz näme etmeli? (Mat. 28:19, 20; 1 Pet. 2:21).

Mukaddes Ýazgylardaky wepaly we gulak asyjy Nuhdan sen näme öwrendiň? Sen nädip «Hudaý bilen ýöräp» bilersiň we Ýehowanyň biziň günlerimizde-de gullukçylaryny halas etjekdigine bil baglap bilersiň? (Bar. 7:1; Sül. tym. 10:16; Ýew. 11:7; 2 Pet. 2:9).