«Ähli zady Hoş Habar üçin ediň»
1. Wagyzçy adamlara näme etmek isleýär we näme üçin?
1 Pawlus resul adamlara hoş habary wagyz etmegi öz borjy hasaplaýardy (1 Kor. 9:16, 19, 23). Şonuň ýaly biz hem adamlaryň baky abadançylygy üçin hoş habary wagyz etmek isleýäris.
2. Wagyz eder ýaly gün tertibini nädip üýtgedip bileris we bu näme üçin wajyp?
2 Adamlaryň bar ýerinde wagyz et. Ökde balykçy balygy köp tutup bolýan wagty we onuň bar ýerinde tutar. Biz hem «ynsan tutýan balykçylar», şol sebäpli ýaşaýan ýerimizdäki adamlary öýünde tapar ýaly, «her hili balygy» ýygnamakdan uly şatlyk almak üçin gün tertibimizi üýtgetmeli (Mat. 4:19; 13:47). Biz agşamara adamlar öýündekä ýa-da irden köçede (ýerli ýagdaýa görä, paýhaslylyk bilen) wagyz edip bilerismi? Pawlus «hoş habary düýpli wagyz etmek üçin» ähli mümkinçilikden peýdalanýardy (Res. iş. 17:17; 20:20, 24).
3, 4. Biz gullugymyzda nämäni üýtgedip bileris we bu nähili netije berer?
3 Adamlaryň zerurlygyna görä hödür taýýarla. Balykçy her hili balyklary tutmak üçin dürli usullary ulanýar. Biz hoş habary ýaşaýan ýerimizdäki adamlar gyzyklanar ýaly wagyz etmeli. Munuň üçin köp adamlary biynjalyk edýän temany sypaýyçylyk bilen aýdyp, soňra olaryň pikirini ünsli diňlemeli (Ýakup 1:19). Şeýle-de olar pikirini ýürekden aýdar ýaly, sowal berip bileris (Sül. tym. 20:5). Hoş habar adamlara täsir eder ýaly, hödürlerimizi üýtgetmeli. Pawlus hem «her kese her zat boldy» (1 Kor. 9:22). Adamlaryň ýüregine täsir etmek üçin, başarnykly wagyz etmek wajyp.
4 «Ýagşy habary» adamlara wagyz etmek nähili uly şatlyk! (Iş. 52:7). Biz muny köp adamlar kabul eder ýaly «Hoş Habar üçin edýäris» (1 Kor. 9:23).