Wagyz üçin teklipler

Müsürden çykyş 20:15-i okap ýa-da ýatdan aýdyp, şeýle sorag beriň: «Köp adamlar şu tabşyrygy ýerine ýetirjek bolup jan etseler-de, käbirler kyn ýagdaýa düşende ogurlygy ýa-da başga erbet işleri dogry hasaplaýarlar. Siz muňa nähili garaýarsyňyz? (Jogap bersin.) Mukaddes Ýazgylar hemişe dogruçyl bolmagyň peýdalydygyny görkezýär». («Garawul diňi», 2010 ý. 1-nji mart).

«Köp adamlar Mukaddes Ýazgylara sarpa goýsalar-da, olar şu günler ondaky maslahatlaryň kän peýdasy ýok diýýärler. Bu barada siz nähili pikir edýärsiňiz? (Jogap bersin. Soňra Rimliler 15:4-i oka ýa-da ýatdan aýdyp ber.) Öňki döwürlerdäki ýaly şu günler hem Mukaddes Ýazgylaryň maslahatlary peýdaly, sebäbi onda Hudaýyň akyldarlygy bar». («Oýanyň», 2010 ý. 1-nji mart).

«Taryhda iň meşhur adam kim diýip soralanda, köpler Isa pygamber diýýär. Siz hem şeýle pikirdemi? (Jogap bersin.) Adamlar Isa pygamberiň ömri hakynda gapma-garşy gelýän wakalary gürrüň berýärler. Ol barada näme üçin hakykaty bilmelidigine üns beriň (Ýahýa 17:3-i oka ýa-da ýatdan aýt.) Mukaddes Ýazgylarda Isa pygamberiň ömri we onuň taglymatlary hakynda aýdylýar». («Garawul diňi», 2010 ý. aprel ýörite sany).

«Käwagt isleýän zadymyzy etmäge wagtymyz bolmaýan ýaly görünýär, şeýle dälmi? (Jogap bersin). Köp adamlara şu maslahat kömek edýär (Filipililer 1:10, 11-nji aýatlary oka ýa-da ýatdan aýt). Mukaddes Ýazgylarda wagtymyzy paýhasly sarp etmek üçin gowy maslahatlar bar». («Oýanyň», 2010 ý. aprel).