Wagyz üçin teklip

◼ «Biz adamlary gyzyklandyrýan bir sorag barada gysgaça pikir alyşýarys». («Mukaddes Ýazgylar öwredýär» kitabynyň 3-nji babynyň adyny görkezip, bu sorag barada näme pikir edýändigini sora. Jogap berenden soňra 1—3-nji abzaslara we getirilen aýatlaryň azyndan birine serediň). Indiki sözbaşy barada pikir alyşmak üçin ikilenç idege gepleşiň.

◼ «Her ýyl 6 milliona golaý adam çilim sebäpli ölýär. Siziň pikiriňizçe, bu gyrgynçylygyň öňüni alyp bolarmy? (Jogap bersin). Köp adamlar Hudaýyň garaýşyny bilip, onuň kömegi bilen çilim çekmek endigini taşladylar. Meselem, Mukaddes Ýazgylardaky şu aýat käbir adamlary çilim çekmegiň başgalara nähili täsir edýändigi hakda oýlanmaga höweslendirdi (1 Korintoslylar 10:24-i oka). Şu kitapda Hudaýyň garaýşynyň adama çilim çekmek endigini taşlamaga nädip kömek edýändigi düşündirilýär». Soňra «Mukaddes Ýazgylar öwredýär» kitabynyň 13-nji babynyň 7-nji abzasyna esaslanyp pikir alşyň we ikilenç idege gepleşiň.

◼ «Şu günler adamlar Internet arkaly köp dost tapandyrys öýdýärler. Siziň pikiriňizçe, hakyky dostda nähili häsiýetiň bolmagy has-da wajyp? (Jogap bersin). Mukaddes Ýazgylaryň şu aýadynda dostlaşmak barada peýdaly maslahat bar (Ýakup 1:19-y oka). Şu kitapda iň gowy dostluk, ýagny biziň Hudaý bilen nädip dostlaşyp bilýändigimiz düşündirilýär». Soňra «Mukaddes Ýazgylar öwredýär» kitabynyň 12-nji babynyň 1, 2-nji abzaslaryna esaslanyp pikir alşyň we ikilenç idege gepleşiň.