Muny haýal etmän ediň

Internetde biziň saýtymyz ýerleşdirilenden bäri, Mukaddes Ýazgylar okuwyny geçmek isleýänleriň sany barha artýar. Şol sebäpli hoş habary täze usullar bilen wagyz etmeli bolýar. Filial bu işi mümkin boldugyndan, çalt etmäge çalyşýar. Meselem, okuw geçmek jw.org saýtymyz arkaly haýyş edilýän bolsa, gyzyklanan adamyň ýaşaýan ýeri baradaky maglumaty ýaşulular filialdan iki günden soň alýar. Emma wagyz işiniň hasabatyna görä, okuw geçmäge isleg bildiren käbir adamlar bilen birnäçe hepdeläp habarlaşyp bolmady. Biz gyzyklanan adamlaryň hakykaty bilmek islegi sowaşmaz ýaly, olara nädip kömek edip bileris? (Mar. 4:14, 15).

Eger gyzyklanan adam siziň ýygnagyňyzyň territoriýasyna degişli bolmasa, «Şu adamy idemegi haýyş edýäris» (S-43) diýen resmikagyzy haýal etmän dolduryň we ony uzaga çekmän, indiki duşuşykda ýygnagyňyzyň kätibine gowşuryň. Soňra ýygnagyň kätibi jw.org saýtymyzyň «Ýygnak bölümini» ulanyp, birki günüň dowamynda bu maglumaty filiala habar bermeli. Ýaşulular jw.org saýtymyzy yzygiderli barlap durmaly. Olar ýygnagyň territoriýasynda kimdir biriniň gyzyklanýandygyny bilseler, onda derrew hereket etmeli. Her bir wagyzçydan gyzyklanan adamy idemegi haýyş etseler, ol muňa çynlakaý garamaly. Eger adam öýünde bolmasa, siz habarlaşmak üçin telefon belgiňizi goýup bilersiňiz.