Wagyzda jw.org web-saýtyny ulanyň

Biziň web-saýtymyzyň hoş habary «ýeriň tä soňuna çenli» ýaýratmakda uly ähmiýeti bar (Res. iş. 1:8). Köp adamlar jw.org web-saýtymyza nädip girmelidigini bilmeýärler. Olar muny diňe wagyzçylar aýdandan soň bilýärler.

Bir aýlanýan gözegçi «Mukaddes Ýazgylary öwrenmegiň näme peýdasy bar?» diýen wideofilmi telefonyna geçirip, ony her bir mümkinçilikden peýdalanyp adamlara görkezýärdi. Meselem, ol öýden-öýe wagyz edende, adamlara şeýle diýýärdi: «Men köp adamlary biynjalyk edýän üç sany wajyp sorag hakda gysgaça pikir alyşýaryn: Ýer ýüzi näme üçin kynçylykdan doly? Hudaý nädip olaryň soňuna çykar? Biz kynçylyklara nädip döz gelip bileris? Siz bu wideofilmden şu soraglaryň gysgaça jogabyny tapyp bilersiňiz». Ol adamyň filmi görmek isleýändigini aňan badyna oňa görkezýärdi. Bu film adamlara örän güýçli täsir edýändigi üçin olaryň köpüsi tä film gutarýança gözüni aýyrman seredýärler. Soňra aýlanýan gözegçi şeýle diýýär: «Siz Mukaddes Ýazgylar okuwyny geçmegi Internet arkaly haýyş edip bolýandygy barada eşidensiňiz. Men size häzir onuň nähili geçirilýändigini görkezip bilerin». Eger adam razylaşsa, ol «Hoş habar» atly broşýurany ulanyp, okuwyň nädip geçirilýändigini görkezýär. Eger adam wagtym ýok diýse, oňa başga wagt görüşmegi teklip edýär. Ol biraz dynç almak üçin kafe baranda-da, ýanynda oturan adam bilen gürrüňe başlamak üçin şeýle usuly ulanýar. Siz hem wagyzda jw.org web-saýtyny ulanýarsyňyzmy?