«Hudaýyň goşanyny ynsan aýyrmasyn»

Musanyň kanunyna görä, ýanýoldaşy bilen aýrylyşmakçy bolýan adam talak hatyny ýazmalydy. Bu adamlary nikany sebäpsiz ýere bozmakdan saklaýardy. Emma Isanyň günlerinde dini ýolbaşçylar aýrylyşmaklyga ýönekeý zat ýaly garaýardylar. Erkek adamlar aýaly bilen islendik sebäbe görä aýrylyşýardylar (nwtsty Mr 10:4, 11-nji aýatlara degişli maglumatlara serediň). Isa maşgalany Ýehowanyň hut özüniň döredendigini aýtdy (Mr 10:2—12). Aslynda, är-aýal «bir beden» bolup, ömürlik bile ýaşamalydy. Mukaddes Ýazgylara görä, nikany diňe bir ýagdaýda, ýagny är-aýalyň biri «zyna» etse, bozup bolýar (Mt 19:9).

Şu günler adamlaryň köpüsi maşgala Isa ýaly däl-de, fariseýler ýaly garaýarlar. Olar maşgalada kynçylyk dörände, derrew aýrylyşmak bilen bolýarlar. Emma mesihçi är-aýallar ýanýoldaşyna beren wadasyna örän çynlakaý garaýarlar we kynçylyklary Mukaddes Ýazgylaryň prinsiplerine eýerip çözmäge jan edýärler. «Söýgi bildirmek we hormat goýmak maşgalany agzybir edýär» diýen wideony görüp, aşakdaky soraglara jogap beriň:

• 

  Siz Süleýmanyň tymsallary 15:1-däki maslahata nädip eýerip bilersiňiz we bu näme üçin wajyp?

• Süleýmanyň tymsallary 19:11-däki maslahata eýerip, kynçylyklardan nädip gaça durup bileris?

• Maşgalaňyz dargajak bolsa, «aýrylyşaýsammykam?» diýip pikir etmegiň deregine, haýsy soraglar barada oýlansaňyz gowy bolar?

• Matta 7:12-däki prinsip size gowy ýanýoldaş bolmaga nädip kömek eder?