«Ähli adamlar bir dilde gepleýärdi»

11:1—4, 6—9

Ýehowa gadymy Wawilondaky gulak asmaz adamlaryň dilini garyşdyryp, olary çar tarapa dargatdy. Şu günler bolsa ol «öz adyny çagyryp», agzybir gulluk etmekleri üçin, ähli milletden we dilden bolan uly märekäni ýygnap, olara «arassa dilde geplemegi öwredýär» (Sep 3:9; Ylh 7:9). «Arassa dile» Ýehowa hem-de onuň Mukaddes Kitapda ýazylan niýetleri baradaky hakykat degişli.

Täze dil öwreneniňde, diňe bir täze sözleri ýatlamak ýeterlik bolmaýar. Dili öwrenmek üçin şol dilde gepleýän adamlar ýaly pikirlenmegi başarmaly. Edil şonuň ýaly, hakykatyň arassa dilinde geplemegi öwrenenimizde, biziň pikirlenişimiz üýtgeýär (Rim 12:2). Bu Hudaýyň halkynyň arasynda agzybirligiň höküm sürmegine ýardam edýär (1Kr 1:10).