Betbagtçylykdan ejir çekenlere nädip kömek etmeli?

Şu günler tebigy betbagtçylyklar gitdigiçe köpelýär. Betbagtçylykda kömek etmek üçin guramaçylykly hereket etmeli. Şol sebäpli Ýolbaşçylyk maslahaty her filialda Betbagtçylykda kömek edýän bölümi döretdi.

Şol bölümdäki doganlar betbagtçylyk barada eşidende, dessine şol ýerdäki ýaşulular bilen habarlaşýarlar. Olar dogan-uýalara nähili kömegiň gerekdigini anyklaýarlar. Eger wagyzçylar uly zyýan çeken bolsalar, filial olara kömek etmek üçin jogapkär doganlary belleýär. Bellenen doganlar filialdan meýletinçileri ibermegi haýyş edip biler. Şeýle-de dogan-uýalar üçin gerek-ýarak zatlary sorap ýa-da satyn alyp biler.

Betbagtçylyk bolanda guramaçylykly hereket etmegiň köp peýdasy bar. Ýöne dogan-uýalar guramanyň görkezmesi bilen däl-de, özbaşdak kömek etseler, artykmaç pullaryň sowulmagy, köp wagtyňy hem güýjüňi almagy, hatda düşünişmezligiň döremegi mümkin.

Käbirleri betbagtçylykdan ejir çekenlere kömek etjek bolup başgalardan pul ýygnamak, gerek zatlary ibermek we betbagtçylyk bolan ýere barmak isleýär. Emma doganlaryň görkezmesi bolmasa, muny etmesiňiz gowy bolar. Dogan-uýalara kömek etmek üçin näçeräk puluň gerekdigini we näçe meýletinçiniň kömek edip biljekdigini filial tarapyndan bellenen doganlar anyklaýar. Şeýle-de olar dogan-uýalary goldamak üçin hökümet işgärleri bilen işleşip bilerler.

Biz dogan-uýalary ýürekden söýýäris, şonuň üçin betbagtçylyk bolanda olara elimizden gelen kömegi bermek isleýäris (Ýew 13:16). Muny nädip edip bileris? Biz ejir çeken imandaşlarymyz we olara kömek edýänler üçin Ýehowa doga edip bileris. Şeýle-de pul sadakalaryny berip, olary goldap bileris. Ýolbaşçylyk maslahatynyň görkezmesi bilen, filialda gulluk edýän doganlar ähli zady göz öňünde tutup, berilýän pullary ýerlikli harçlaýarlar. Eger el kömegini bermek isleseňiz, filialyň Taslama we gurluşyk bölüminiň meýletinçileri üçin arzany (DC-50) dolduryp bilersiňiz.

«BRAZILIÝADA BOLAN SIL» DIÝEN WIDEONY GÖRÜP, ŞU SORAGA JOGAP BERIŇ:

2020-nji ýylda Braziliýada bolan silde dogan-uýalaryň kömek edişi size nähili täsir etdi?