Biz nädip kömek edip bileris?
1 Dünýäde bolýan betbagtçylyklary eşidende, Ýehowanyň Güwäçileri köplenç: «Biz nädip kömek edip bileris?» diýýärler. Resullaryň işleri 11:27—30-njy aýatlarda, I asyrda mesihçileriň Ýahudada ýaşaýan doganlara goldaw berendikleri aýdylýar, çünki ol ýerde açlykdy.
2 Biziň guramamyza, maddy serişdeleri ynsanperwerlikli işlerde ulanmaga, tebigy ýa-da adamzat sebäpli bolýan betbagtçylyklardan we başga heläkçiliklerden zyýan çekenlere kömek etmäge, kanun ýol berýär.
3 Meselem, geçen ýyl Günorta Aziýada bolan sunamiden (suwasty ýer titremesinden ýüze çykan, ägirt uly tolkunlardan) zyýan çekenlere köp doganlar pul kömegini berdiler. Olar ýürekden edilen kömege minnetdar boldular. Emma adam pul kömegini belli bir betbagtçylykdan zyýan çekenlere niýetlän bolsa, käbir döwletiň kanuny boýunça, ony diňe şol maksat bilen çäkli wagtda ulanmaly. Ýöne zyýan çeken doganlara gerekli kömek berilse-de, pul kömegi gelip durýar.
4 Şol sebäpli ynsanperwerlik kömegi üçin berilýän pul, bütindünýä işine berilse gowy bolardy. Berilýän pullary zyýan çeken doganlara kömek bermek we doganlaryň ruhy zerurlyklaryny üpjün etmek üçin ulanylýar. Elbetde, eger bir adam diňe ynsanperwerlik kömegi üçin pul bermekçi bolsa, kabul ediler we şoňa-da ýollanylar. Şonda-da berilýän pul kömegi, belli bir heläkçilikden zyýan çekenler üçin niýetlenilmese gowy bolardy.
5 Biziň sowgatlarymyz, ilki bilen, bütindünýä işi üçin ulanylýar. Şol sebäpli, pullar diňe betbagtçylykdan zyýan çekenler üçin saklanylman, Patyşalygyň dürli işlerinde ulanylýar. Bu Efesliler 4:16-daky sözlere laýyk gelýär, çünki biz bilelikde gerekli kömegi ýetirýäris we «her agzanyň kadaly işleýşi bilen... söýgüde ösüp, abatlanýarys».