Gowy durmuş — her bir adamyň arzuwy
Siz nähili durmuşy arzuw edýärsiňiz? Belki, siz maşgalaňyzyň tut ýaly sagdyn bolmagyny, bagtly, asuda we bolelinlikde ýaşamagyny isleýänsiňiz.
Köp adamlar gowy durmuşda ýaşajakdygyna ynanmaýarlar, sebäbi dünýäniň ýagdaýy olaryň gözüni gorkuzdy. Meselem, koronawirus keseliniň (COVID-19) ýaýran döwri köp ýurtlar ykdysady taýdan pese düşdi, adamlaryň durmuşy bütinleý üýtgedi, hatda ençeme adamlar dünýäden ötdi. Şol sebäpli köpleri durmuş gitdigiçe erbetleşer diýip biynjalyk bolýarlar.
Adamlaryň kynçylykdan gözi açylmansoň, näme edip, näme goýjagyny bilmeýärler. Olar kynçylykdan baş alyp çykmak üçin çykalga gözleýärler. Käbirleri tutan işiniň şowuna bolmagy üçin adatdan daşary güýçlere bil baglaýarlar. Käbirleri gowy ýaşamak üçin baý we ýokary bilimli bolmaly diýýärler. Başgalary bolsa halal ýaşap ýagşylyk etseň, görjegiň gowulyk bolar diýýärler.
Ýokarda agzalan zatlar gowy ýaşamaga kömek edermi? Geliň, ilki bilen şu soraglaryň jogabyny bileliň:
Adamyň gelejegi nämä bagly?
Ýokary bilim we baýlyk adamy bagtly edýärmi?
Halal ýaşaýanlar bagtly bolup bilýärmi?
Gowy ýaşamaga kömek etjek maslahatlary nireden tapyp bileris?
Soraglaryň jogabyny «Garawul diňi» žurnalynyň şu sanynda bileris.