Siz kimi saýlarsyňyz? Mukaddes Kitapda näme diýilýär?

Adamlar ýurt baştutanyny saýlamaly bolar.

Mukaddes Kitapda näme diýilýär?

Ynsan hökümdarlarynyň güýji çäkli

Mukaddes Kitapda ynsan hökümdarlarynyň köp zada güýjüniň ýetmeýändigi aýdylýar.

•  «Han-beglere, ynsan ogullaryna bil baglamaň, olar janyňy halas edip bilmez. Olaryň ýaşaýyş demi gutarýar, topraga siňýär, şol gün oý-pikirleri hem puç bolýar» (Zebur 146:3, 4).

Gynansak-da, iň gowy hökümdaram ahyrsoňy ölýär. Onuň ýerine geçjek adam bolsa ýurdy başgaça dolandyryp başlaýar (Nesihat 2:18, 19).

Mukaddes Kitapda aýdylyşy ýaly, hiç bir adam gowy hökümdarlyk edip bilmeýär.

•  «Adam... hatda nirä ädim ätjegini çözüp bilmeýär» (Ýermeýa 10:23).

Adamyň güýji çäkli bolsa, onda kim gowy hökümdar bolup biler?

Hudaýyň bellän patyşasy

Mukaddes Kitapda Hudaýyň iň gowy, dogruçyl, ynamdar hökümdary belländigi aýdylýar. Ol Isa Mesih (Zebur 2:6). Isa Hudaýyň gökdäki Patyşalygynyň Patyşasy (Matta 6:10).

Siz Isanyň patyşaňyz bolmagyny isleýärsiňizmi? Etjek saýlawymyz her birimiz üçin wajyp.

•  «Ogluny (Isa Mesihi) hormatlaň, ýogsam Alla gazaplanar, ýoluňyzda heläk bolarsyňyz. Sebäbi Allanyň gahary tiz tutaşýandyr. Hudaýy pena edinen bagtlydyr!» (Zebur 2:12).

Biz häzirden belli bir karara gelmeli. Mukaddes Kitapdaky pygamberlikler Isanyň 1914-nji ýyldan bäri höküm sürýändigini subut edýär. Tizden bolsa Hudaýyň Patyşalygy ynsan hökümetlerini ýok edip, bütin ýer ýüzüniň üstünden ebedi höküm sürer (Danyýar 2:44).

Isanyň hökümdarlygynyň raýaty bolar ýaly näme etmelidigini bilmek üçin «Hudaýyň Patyşalygyny goldalyň!» diýen makalany okaň.