Sosial ulgamlary çagaňyza zyýan ýetirýärmi? Mukaddes Kitapdaky maslahatlar ene-atalara nädip kömek edýär?

«Häzir ýaşlaryň köpüsi duýgy taýdan ejir çekýär. Munuň esasy sebäpleriniň biri — sosial ulgamlary» (ABŞ-nyň baş hirurgy Dr. Wiwek Murti, «New York Times» gazeti, 17-nji iýun, 2024).

Ene-atalar çagalaryny sosial ulgamlarynyň ýetirýän zyýanyndan nädip gorap bilerler? Bu babatda Mukaddes Kitapda gowy maslahatlar berilýär.

Ene-atalar näme edip bilerler?

Mukaddes Kitapdaky şu maslahatlar barada oýlanyň.

«Ätiýaçly adam her ädimini ölçerýär» (Nakyllar 14:15).

Çagaňyza sosial ulgamlaryny ulanmaga rugsat berýän bolsaňyz, çäk goýmagy ýatdan çykarmaň. Rugsat bermezden öň çagaňyzyň goýan wagtyňyzdan çykmajakdygyna, sosial ulgamynda erbet adamlar bilen gatnaşmajakdygyna we girmesiz ýerlere girmejekdigine göz ýetiriň.

•  Köpräk bilmek üçin «Çagam sosial ulgamyny ulansa bolarmy?» (rus.) we «Çagama sosial ulgamyny dogry ulanmaga nädip kömek edip bilerin?» (rus.) atly makalalary okap bilersiňiz.

«Wagtyňyzy paýhasly ulanyň» (Efesliler 5:16).

Eger çagaňyza sosial ulgamyny ulanmaga rugsat berýän bolsaňyz, olary ulanmak babatda käbir düzgünleri goýuň, şol düzgünleriň peýdasy hakda-da düşündiriň. Şeýle-de çagaňyzyň özüni alyp barşyna ünsli boluň. Onuň azajygam bolsa üýtgäp başlandygyny görseňiz, sosial ulgamlary ulanmagyny çäklendirseňiz gowy bolar.

•  Interneti paýhasly ulan! diýen janlandyrylan suratly wideony görkezip, sosial ulgamyny ulananda çäk goýmagyň näme üçin wajypdygyny düşündiriň.

Köpräk biliň

Mukaddes Kitapda biziň «juda kyn döwürde» ýaşaýandygymyz aýdylýar (2 Timoteos 3:1—5). Şeýle-de ol ýerde duş gelýän kynçylyklarymyza döz gelip biler ýaly peýdaly maslahatlar bar. Mundan başga-da ýetginjeklere duýgy taýdan kömek eder ýaly ene-atalar we çagalar üçin 20-den gowurak makalalar hem bar.