Zebur
Aýdymçylaryň ýolbaşçysyna. Dawudyň aýdymy.
140 Eý Ýehowa, meni zalymlardan halas et,
Erbetlerden gora+.
2 Olar erbetligiň küýüne düşýärler+,
Uzakly gün dawa-jenjel edýärler.
4 Eý Ýehowa, meni erbediň elinden gutar+,
Duzak gurýan zalymlardan janymy halas et.
5 Tekepbirler maňa duzak gurýar.
Meni tutjak bolup,
Ýoluma tor we gapan gurýar+. (Sela)
6 Men Ýehowa diýýärin: «Sen meniň Hudaýym,
Eý Ýehowa, ýalbarýaryn, perýadymy eşit»+.
7 Älemiň Hökümdary Ýehowa, sen güýçli halasgärim,
Sen söweş güni başymy goraýarsyň+.
8 Ýehowa, zalymlaryň arzuwy hasyl bolmasyn,
Erbet niýetleri amala aşyp, öwünmesin+. (Sela)
9 Meni gaban duşmanlaryň gargyşlary
Öz başlaryna insin+.
10 Goý, başlaryna közler ýagsyn+,
Goý, olar oda taşlansyn!
Çukura+ gaçyp, ondan çykmasyn.
11 Töhmetçiler ýer ýüzünde döwran sürmesin+.
Goý, erbetlik zalym adamlaryň başyna insin.
12 Ýehowanyň ejiz adamy goldajagyny,
Garybyň hakyny alyp berjegini bilýärin+.
13 Dogruçyllar saňa alkyş aýdarlar,
Päk ýürekliler huzuryňda gezerler+.