söýgiňizi unutmaz». Mähriban dogan-uýalar, geliň, «ýagşylyk etmekden ýadamalyň!» (Ýew. 6:10; Gal. 6:9).

Siziň her biriňize çydamly bolmaga näme köme eder? Selanikli mesihçileriňki ýaly «Isa Mesihe baglan umydyňyz» kömek eder. Soňra Pawlus resul esasy delil getirip, mesihçileri nädogry pikirlerden we müňkürlikden goraýan «gutulyş umydyny» tuwalga bilen deňeýär (1 Sel. 5:8).

Şatlyk bilen sabyr-takat etseňiz, Älemdäki hökümdarlyk baradaky jedelli meselä jogap berip, Şeýtanyň ýalançydygyny paş edersiňiz. Şeýtanyň aýtmagyna görä, Hudaýyň gullukçylary, aslynda, diňe öz bähbidini gözleýär, olar Hudaýa birnäçe wagt yhlasly gulluk etseler-de, synag güýçlenende ýa-da zalym dünýäniň ýok edilişi, olaryň garaşan wagtyndan uzaga çekse, Hudaýa gulluk etmegini bes eder. Iblisiň ýalançydygyny paş etmäge, sizde ajaýyp mümkinçilik bar! Siz her gün umyt edýän bereketleriňize ýakynlaşýarsyňyz.

Pawlus resulyň her pursatdan peýdalanyp, doganlarynyň berk imanyny, wagyz işine uly goşant goşýandyklary we çydamlylygyny öwşi ýaly, biz hem size berekella aýdyp, söýgimizi bildirmek isleýäris. Imanyňyz üçin göreşiň!

Size şu ýyl hem bol ruhy bereketleri arzuw edýäris. Gowy arzuwlar bilen,

Siziň doganlaryňyz,

Ýehowanyň Güwäçileriniň Ýolbaşçylyk maslahaty

Biz «Maşgala bagty» atly kitaby öwreneris

Siz kitap öwrenilýän duşuşykda 2008-nji ýylyň Oguz aýynyň 2-sinde başlanýan hepdede, «Maşgala bagtynyň syry» atly kitaby öwrenip başlajakdygyňyza begenersiňiz. Maşgalany bagtly etmek üçin Mukaddes Ýazgylaryň tejribeli görkezmesini topar bilen ara alyp maslahatlaşmaga ähliňiziň gatnaşasyňyz geler. Kitabyň okuw tertibi, ondaky her bir abzasy we ähli aýatlary dykgatly öwrenmek üçin düzülen.

Okuwyň ilkinji hepdesinde bütinleý birinji bap geçiler, sebäbi onda diňe birnäçe aýat berlen. Şonuň ýaly 15-nji bap-da bir sapakda tutuşlygyna geçiler. Başga baplary bolsa ikä bölüp, her hepdede ýary geçiler. Şol sebäpli bapda berlen ähli aýatlary okap, ara alyp maslahatlaşmaga we her abzasda getirilen aýatlary nädip durmuşda ulanyp bolýandygyny dykgatly öwrenmäge ýeterlikli wagt bolar.

Her babyň soňundaky okuw çarçuwasynda berilýän maglumaty ara alyp maslahlatlaşmak wajypdyr. Şonuň üçin çarçuwada berlen soraglara we aýatlara seretmäge ýeterlikli wagt sarp etmeli.

Kitap öwrenilýän duşuşygyň ýolbaşçylary okuwa gowy taýýarlanmaly. Olar topara bellenenleriň ählisini, şol sanda, täze gelenleri okuwa gowy taýýarlanmaga we yzygiderli gatnaşmaga höweslendirmeli (75—77).