Hödürleriň nusgasy

Maý aýynyň ilkinji şenbe güni Mukaddes Ýazgylar okuwyny başlamak

«Biziň ählimiz bir zat, ýagny günä edýäris. Siziň pikiriňizçe, Hudaý agyr günäni bagyşlaýarmyka? (Jogap bersin). «Garawul diňi» (rus.) žurnalynyň 1-nji maýda çykan sanynyň 15-nji sahypasyndaky birinji soragyň aşagyndaky maglumata we getirilen aýatlaryň azyndan birine serediň. Žurnaly hödürläp, ikilenç ideg etmek üçin sorag beriň.

«Garawul diňi», 1-nji maý

«Biz şu aýatda aýdylýan sözler barada pikiriňizi bilesimiz gelýär (1 Ýahýa 4:8-i oka). Adamlaryň köpüsi şu sözler bilen razylaşýar, emma käbiri Hudaý jeza berer ýaly zalym bolmaly ýa-da hiç bolmanda tebigy betbagtçylyklara ýol berýär diýýärler. Siz nähili pikir edýärsiňiz? (Jogap bersin). Bu žurnalda Hudaýy zalym hasaplamagyň nädogrudygy barada degerli subutnamalar bar».

«Oýanyň!», maý

«Biz adamlar bilen biynjalyk edýän mesele, ýagny jenaýatçylyk barada gürrüň edýäris. Käbir adamlar jenaýatçylygy ýok etmek üçin polisiýa işgärlerini köpeltmeli diýýärler. Siz bu barada näme pikir edýärsiňiz? (Jogap bersin). Mukaddes Ýazgylarda tizden jenaýatçylygyň bolmajakdygy barada wada berilýär (Zebur 37:10, 11-nji aýatlary oka). Bu žurnalda Hudaýyň wadasy barada aýdylýar we jenaýatçylykdan özümizi gorar ýaly birnäçe maslahat berilýär».