Pawlusyň ýegeni batyrgaýdy

Gel, daýysyny halas eden ýaş oglanyň kimdigini bileli. Onuň daýysynyň ady Pawlusdy. Biz ýaş oglanyň adyny bilmesek-de, onuň örän batyrgaý bolandygyny bilýäris. Sen onuň näme edendigini bilesiň gelýärmi? ~

Pawlus Iýerusalimde türmede otyrdy. Ony Isa barada wagyz edendigi üçin tussag edipdiler. Käbir erbet adamlar Pawlusy ýigrenýärdiler we oňa ýamanlyk etmek isleýärdiler. Olar şeýle diýdiler: «Geliň, Pawlusy sud eder ýaly müňbaşydan esgerlerini iberip, ony getirmegi haýyş edeliň; şeýdip biz ony ýolda gelýärkä, öldüreris!».

Pawlusyň ýegeni olaryň näme etjek bolýandyklaryny eşidýär. Ol näme etdikä? Ol türmä baryp, Pawlusa hemme zady gürrüň berýär. Pawlus oňa derrew bu barada müňbaşa aýtmagy tabşyrýar. Seniň pikiriňçe, Pawlusyň ýegenine muny müňbaşa aýtmak aňsat boldumyka? ~ Elbetde, aňsat bolmady! Sebäbi müňbaşy örän wajyp adamdy. Emma Pawlusyň ýegeni batyrgaý bolany üçin muny müňbaşa aýdýar.

Müňbaşy näme etmelidigini gowy bilýärdi. Ol 500-e golaý esgeri bilen Pawlusy goraýar. Şol gije ol esgerlere Pawlusy rimlileriň baştutanynyň ýanyna eltmegi buýurýar. Pawlus halas boldumyka? ~ Hawa, erbet adamlar ony öldürip bilmediler. Olaryň etjek bolýan ýamanlygy başa barmady!

Sen bu wakadan näme öwrenip bilersiň? ~ Senem Pawlusyň ýegeni ýaly batyrgaý bolup bilersiň. Biz adamlara Ýehowa barada wagyz edenimizde batyrgaý bolmaly. Sen hem Ýehowa barada batyrgaýlyk bilen gürrüň berermiň? ~ Eger gürrüň berseň, adamlary halas edip bilersiň.