Siz gelejege nähili garaýarsyňyz?

MUKADDES KITAPDA NÄME DIÝILÝÄR?

«Hudaý olaryň gözlerinden ýaşlaryny süpürer. Indi ne ölüm, ne hasrat, ne agy, ne-de agyry bolar, sebäbi öňki zatlar geçip gitdi» (Ylham 21:4).

SIZE NÄME PEÝDASY BAR?

Halaýan we höwes edýän işiňiz bolar (Işaýa 65:21—23).

Hiç hili keselçilik, agy we horluk bolmaz (Işaýa 25:8; 33:24).

Maşgalaňyz we dost-ýarlaryňyz bilen bagtly hem ebedi ýaşarsyňyz (Zebur 37:11, 29).

MUKADDES KITABA YNANSA BOLÝARMY?

Hawa, munuň azyndan iki sebäbi bar:

• Hudaý wadasyny ýerine ýetirip bilýär. Mukaddes Kitapda Ýehowa «Gudraty güýçli Hudaý» diýilýär (Ylham 15:3). Diýmek, ol dünýäniň ýagdaýyny özgerdip, wadasyny berjaý edip bilýär. Şeýle-de Mukaddes Kitapda: «Hudaý ähli zady başarýar» diýilýär (Matta 19:26).

• Hudaý wadasyny berjaý etmek isleýär. Meselem, Ýehowa Hudaý aradan çykan adamlary direltmek isleýär (Eýýup 14:14, 15).

  Şeýle-de Mukaddes Kitapda Isa pygamberiň syrkawlary sagaldandygy aýdylýar. Eger ol islemedik bolsa, olary sagaldardymy? (Markus 1:40, 41). Isa pygamber mätäç adamlara kömek edip, Hudaýyň häsiýetlerinden görelde aldy (Ýahýa 14:9).

  Diýmek, Ýehowa Hudaý biziň gelejekde bagtly ýaşamagymyzy isleýär! (Zebur 72:12—14; 145:16; 2 Petrus 3:9).