SAPAK 1

Täsirli giriş sözler

Resullaryň işleri 17:22

BELLIK: Giriş sözleriňiz diňleýjilerde gyzyklanma döretmeli, temanyň esasy pikirini nygtamaly we gürrüň edilýän temanyň ähmiýetini görkezmeli.

Gyzyklanma dörediň. Munuň üçin oýlandyryjy sorag beriň, meşhur adamyň sözlerini getiriň, durmuşda ýa-da täzeliklerde bolan wakany gysgaça gürrüň beriň.

Diňleýjileriň gyzyklanýan, biynjalyk edýän zatlaryny göz öňünde tutuň we giriş sözlerini şoňa görä saýlaň.
Esasy pikiri nygtaň. Giriş sözleriňiziň tema bilen baglanyşyklydygyna we diňleýjilere düşnükli boljakdygyna göz ýetiriň.
Temanyň ähmiýetini görkeziň. Diňleýjiler temanyň wajypdygyna we özlerine nädip kömek etjekdigine aýdyň düşünmeli.

Jemagat nutugyny taýýarlanyňyzda, özüňize şeýle sorag beriň: «Ýygnagymyzdaky dogan-uýalar nähili kynçylyklara uçraýar?» Soňra giriş sözleriňizi olaryň zerurlyklaryna görä taýýarlaň.