SAPAK 12

Mähir we duýgy bilen gepläň

1 Selanikliler 2:7, 8

BELLIK: Aýdýan sözleriňizden duýgularyňyz we diňleýjileriň aladasyny edýändigiňiz görünmeli.

Diňleýjiler hakda oýlanyň. Diňleýjileriň uçraýan kynçylyklaryna özüňiziňki ýaly garap, ýüregiňizi taýýarlaň. Olaryň başdan geçirýän duýgularyny göz öňüne getirjek boluň.
Aýtjak sözleriňizi ünsli saýlaň. Diňleýjileri ruhlandyrmaga, teselli bermäge we berkitmäge çalşyň. Göwne degiji sözleri aýtmakdan gaça duruň. Ýehowa iman etmeýän adamlar we olaryň ynançlary hakda kemsidiji zatlary aýtmaň.
Gyzyklanýandygyňyzy görkeziň. Sesiňiziň äheňinden we hereketiňizden diňleýjileriň ýürekden aladasyny edýändigiňiz görünsin. Gepläniňizde, ýylgyrmagy hem ýatdan çykarmaň.

Çendenaşa duýgy bilen geplemäň. Okaýan parçaňyzdaky gahrymanyň duýgularyny beýan edeniňizde, özüňize üns çekmekden gaça duruň. Çekimli harplary biraz uzynrak aýtmagy öwreniň. Bu size mähir we duýgy bilen geplemäge ýardam eder.