Awit

118 Magpasalamat kayo kay Jehova, sapagkat siya ay mabuti;+

Sapagkat ang kaniyang maibiging-​kabaitan ay hanggang sa panahong walang takda.+

 2 Sabihin ngayon ng Israel:

“Sapagkat ang kaniyang maibiging-kabaitan ay hanggang sa panahong walang takda.”+

 3 Sabihin ngayon niyaong mga sa sambahayan ni Aaron:+

“Sapagkat ang kaniyang maibiging-kabaitan ay hanggang sa panahong walang takda.”+

 4 Sabihin ngayon niyaong mga may takot kay Jehova:+

“Sapagkat ang kaniyang maibiging-kabaitan ay hanggang sa panahong walang takda.”+

 5 Mula sa mga nakapipighating kalagayan ay tumawag ako kay Jah;+

Si Jah ay sumagot at inilagay niya ako sa maluwang na dako.+

 6 Si Jehova ay nasa panig ko; hindi ako matatakot.+

Ano ang magagawa sa akin ng makalupang tao?+

 7 Si Jehova ay nasa panig ko sa gitna niyaong mga tumutulong sa akin,+

Kaya ako mismo ay titingin sa mga napopoot sa akin.+

 8 Mas mabuting manganlong kay Jehova+

Kaysa sa magtiwala sa makalupang tao.+

 9 Mas mabuting manganlong kay Jehova+

Kaysa sa magtiwala sa mga taong mahal.+

10 Pinalibutan ako ng lahat ng mga bansa.+

Dahil sa pangalan ni Jehova kung kaya ko sila napipigilan.+

11 Pinalibutan nila ako, oo, napalibutan na nila ako.+

Dahil sa pangalan ni Jehova kung kaya ko sila napipigilan.

12 Pinalibutan nila akong tulad ng mga bubuyog;+

Sila ay pinatay na tulad ng apoy sa mga tinikang-palumpong.+

Dahil sa pangalan ni Jehova kung kaya ko sila napipigilan.+

13 Itinulak mo ako nang malakas upang ako ay mabuwal,+

Ngunit tinulungan ako ni Jehova.+

14 Si Jah ang aking silungan at aking kalakasan,+

At sa akin ay nagiging kaligtasan siya.+

15 Ang tinig ng hiyaw ng kagalakan at kaligtasan+

Ay nasa mga tolda+ ng mga matuwid.+

Ang kanang kamay ni Jehova ay nagpapakita ng kalakasan.+

16 Ang kanang kamay ni Jehova ay natataas;+

Ang kanang kamay ni Jehova ay nagpapakita ng kalakasan.+

17 Hindi ako mamamatay, kundi mananatili akong buháy,+

Upang maipahayag ko ang mga gawa ni Jah.+

18 May-kahigpitan akong itinuwid ni Jah,+

Ngunit hindi niya ako ibinigay sa kamatayan.+

19 Buksan ninyo para sa akin ang mga pintuang-daan ng katuwiran.+

Papasok ako sa mga iyon; pupurihin ko si Jah.+

20 Ito ang pintuang-daan ni Jehova.+

Ang mga matuwid ay papasok doon.+

21 Pupurihin kita, sapagkat sinagot mo ako+

At ikaw ang naging kaligtasan ko.+

22 Ang bato na itinakwil ng mga tagapagtayo+

Ang naging ulo ng panulukan.+

23 Ito ay nagmula kay Jehova;+

Kamangha-mangha ito sa ating mga mata.+

24 Ito ang araw na ginawa ni Jehova;+

Tayo ay magagalak at magsasaya rito.+

25 Ah, ngayon, Jehova, magligtas ka, pakisuyo!+

Ah, ngayon, Jehova, maggawad ka ng tagumpay, pakisuyo!+

26 Pagpalain nawa ang Isa na dumarating sa pangalan ni Jehova;+

Pinagpala namin kayo mula sa bahay ni Jehova.+

27 Si Jehova ang Makapangyarihan,+

At binibigyan niya tayo ng liwanag.+

Talian ninyo ng mga sanga+ ang prusisyong pangkapistahan,+

Hanggang sa mga sungay ng altar.+

28 Ikaw ang aking Makapangyarihan, at pupurihin kita;+

Aking Diyos—dadakilain kita.+

29 Magpasalamat kayo kay Jehova, sapagkat siya ay mabuti;+

Sapagkat ang kaniyang maibiging-kabaitan ay hanggang sa panahong walang takda.+