Awit

48 Si Jehova ay dakila at marapat na purihin+

Sa lunsod ng ating Diyos,+ sa kaniyang banal na bundok.+

 2 Maganda sa katayugan, ang pagbubunyi ng buong lupa,+

Ang Bundok Sion sa mga dulong bahagi ng hilaga,+

Ang bayan ng Dakilang Hari.+

 4 Sapagkat, narito! ang mga hari ay nagtagpo ayon sa pinagkasunduan,+

Dumaan silang sama-sama.+

 5 Nakita nila mismo; at namangha nga sila.

Naligalig sila, napatakbo sila sa takot.+

 6 Ang panginginig ay nanaig sa kanila roon,+

Mga hapdi ng panganganak na gaya ng sa babaing nanganganak.+

 8 Kung ano ang aming narinig, gayon ang aming nakita+

Sa lunsod ni Jehova ng mga hukbo, sa lunsod ng aming Diyos.+

Itatatag ito nang matibay ng Diyos hanggang sa panahong walang takda.+ Selah.

 9 Nagmuni-muni kami, O Diyos, tungkol sa iyong maibiging-kabaitan+

Sa gitna ng iyong templo.+

10 Gaya ng iyong pangalan,+ O Diyos, gayundin ang papuri sa iyo

Hanggang sa mga hanggahan ng lupa.

Ang iyong kanang kamay ay puspos ng katuwiran.+

11 Magsaya nawa ang Bundok Sion,+

Magalak nawa ang mga sakop na bayan ng Juda,+ dahil sa iyong mga hudisyal na pasiya.+

12 Libutin ninyo ang Sion, at ligirin ninyo ito,+

Bilangin ninyo ang mga tore nito.+

13 Ituon ninyo ang inyong mga puso sa muralya nito.+

Suriin ninyo ang kaniyang mga tirahang tore,

Upang maisalaysay ninyo ito sa darating na salinlahi.+

14 Sapagkat ang Diyos na ito ay ating Diyos hanggang sa panahong walang takda, magpakailan-kailanman.+

Siya ang papatnubay sa atin hanggang sa tayo ay mamatay.+