Awit

99 Si Jehova ay naging hari.+ Maligalig ang mga bayan.+

Siya ay nakaupo sa mga kerubin.+ Mayanig ang lupa.+

 2 Si Jehova ay dakila sa Sion,+

At siya ay mataas sa lahat ng mga bayan.+

 3 Purihin nila ang iyong pangalan.+

Dakila at kakila-kilabot, iyon ay banal.+

 4 At taglay ang lakas ng isang hari ay inibig niya ang kahatulan.+

Ikaw ay matibay na nagtatag ng katapatan.+

Kahatulan at katuwiran sa Jacob ang siyang pinangyari mo.+

 5 Dakilain ninyo si Jehova na ating Diyos+ at yumukod kayo sa harap ng kaniyang tuntungan;+

Siya ay banal.+

 6 Si Moises at si Aaron ay kabilang sa mga saserdote niya,+

At si Samuel ay kabilang sa mga tumatawag sa kaniyang pangalan.+

Tumatawag sila kay Jehova, at siya mismo ay sumasagot sa kanila.+

 7 Sa haliging ulap ay nagsasalita siya sa kanila.+

Tinupad nila ang kaniyang mga paalaala at ang tuntunin na ibinigay niya sa kanila.+

 8 O Jehova na aming Diyos, ikaw mismo ay sumagot sa kanila.+

Sa kanila ay naging isa kang Diyos na nagpapaumanhin,+

At naglalapat ng paghihiganti laban sa kanilang kahiya-hiyang mga gawa.+

 9 Dakilain ninyo si Jehova na ating Diyos+

At yumukod kayo sa kaniyang banal na bundok.+

Sapagkat si Jehova na ating Diyos ay banal.+