13 Sinabi naman sa kanila ng punong ubas, ‘Iiwan ko ba ang aking bagong alak na nagpapasaya sa Diyos at sa mga tao,+ at yayaon ba ako upang umindayog sa ibabaw ng mga punungkahoy?’

28 Nang magkagayon ay nag-utos si Absalom sa kaniyang mga tagapaglingkod, na sinasabi: “Pakisuyo, tingnan ninyo na sa sandaling sumaya ang puso ni Amnon dahil sa alak,+ at sasabihin ko nga sa inyo, ‘Pabagsakin ninyo si Amnon!’ papatayin nga ninyo siya. Huwag kayong matakot.+ Hindi ba ako ang nag-uutos sa inyo? Magpakalakas kayo at maging magigiting na lalaki.”

10 Nang ikapitong araw, nang ang puso ng hari ay sumaya dahil sa alak,+ sinabi niya kina Mehuman, Bizta, Harbona,+ Bigta at Abagta, Zetar at Carkas, ang pitong opisyal ng korte na naglilingkod+ sa katauhan ni Haring Ahasuero,

6 Magbigay kayo ng nakalalangong inumin sa isa na malapit nang pumanaw+ at ng alak sa mga may mapait na kaluluwa.+

3 Nagsaliksik ako sa aking puso na pinasasaya ang aking laman sa pamamagitan nga ng alak,+ habang pinapatnubayan ko ng karunungan ang aking puso,+ upang hawakan nga ang kahibangan hanggang sa makita ko kung anong kabutihan ang mayroon sa mga anak ng sangkatauhan sa ginawa nila sa silong ng langit sa bilang ng mga araw ng kanilang buhay.+

7 Yumaon ka, kainin mo ang iyong pagkain nang may pagsasaya at inumin mo ang iyong alak nang may mabuting puso,+ sapagkat ang tunay na Diyos ay nakasumpong na ng kaluguran sa iyong mga gawa.+

19 Ang tinapay ay para sa pagtawa ng mga manggagawa, at ang alak ay nagpapasaya ng buhay;+ ngunit salapi ang siyang nakatutugon sa lahat ng bagay.+