113 Purihin ninyo si Jah!+

Maghandog kayo ng papuri, O kayong mga lingkod ni Jehova,+

Purihin ninyo ang pangalan ni Jehova.+

 2 Pagpalain nawa ang pangalan ni Jehova+

Mula ngayon at hanggang sa panahong walang takda.+

 3 Mula sa pagsikat ng araw hanggang sa paglubog nito+

Ang pangalan ni Jehova ay dapat purihin.+

 4 Si Jehova ay naging mataas nang higit sa lahat ng mga bansa;+

Ang kaniyang kaluwalhatian ay nasa ibabaw ng langit.+

 5 Sino ang tulad ni Jehova na ating Diyos,+

Siya na tumatahan sa kaitaasan?+

 6 Siya ay nagpapakababa upang tumingin sa langit at lupa,+

 7 Ibinabangon ang maralita mula sa mismong alabok;+

Itinataas niya ang dukha mula sa hukay ng abo,+

 8 Upang paupuin siyang kasama ng mga taong mahal,+

Kasama ng mga taong mahal ng kaniyang bayan.+

 9 Pinatatahan niya sa isang bahay ang babaing baog+

Bilang masayang ina ng mga anak.+

Purihin ninyo si Jah!+