• Awit 15:1-5
    Bagong Sanlibutang Salin ng Banal na Kasulatan

    • 15 O Jehova, sino ang puwedeng maging panauhin sa iyong tolda?

      Sino ang puwedeng tumira sa iyong banal na bundok?+

       2 Ang taong may malinis na pamumuhay,*+

      Gumagawa ng tama,+

      At nagsasabi ng totoo sa puso niya.+

       3 Hindi siya naninirang-puri,+

      Hindi siya gumagawa ng masama sa kapuwa niya,+

      At hindi niya sinisiraan* ang mga kaibigan niya.+

       4 Itinatakwil niya ang sinumang kasuklam-suklam,+

      Pero pinararangalan niya ang mga natatakot kay Jehova.

      Hindi siya sumisira sa pangako,* kahit pa makasamâ ito sa kaniya.+

       5 Hindi siya nagpapautang nang may patubo,+

      At hindi siya tumatanggap ng suhol laban sa walang kasalanan.+

      Ang gayong tao ay hindi matitinag.*+

  • Awit 84:1-4
    Bagong Sanlibutang Salin ng Banal na Kasulatan

    • 84 Napakaganda ng* iyong maringal na tabernakulo,+

      O Jehova ng mga hukbo!

       2 Nananabik ako,

      Nanghihina ako dahil sa pananabik,

      Sa mga looban ni Jehova.+

      Buong puso at buong lakas akong humihiyaw nang may kagalakan sa Diyos na buháy.

       3 Maging ang ibon ay nakakakita roon ng matitirhan,

      At ang ibong langay-langayan, ng mapamumugaran,

      Kung saan niya inaalagaan ang mga inakáy niya

      Malapit sa iyong maringal na altar, O Jehova ng mga hukbo,

      Aking Hari at aking Diyos!

       4 Maligaya ang mga nakatira sa bahay mo!+

      Patuloy ka nilang pinupuri.+ (Selah)