Kapag Parang Hindi Mo Na Kaya

Halimbawa, si Sally,a na taga-United States, ay halos mawalan ng lahat ng ari-arian dahil sa bagyo. Sinabi niya: “Hindi ko alam kung makakaya ko pa. May mga araw na parang gusto ko nang sumuko.”

Paano kung namatayan ka ng mahal sa buhay? Sinabi ni Janice na taga-Australia: “Nang mamatay ang dalawa kong anak, hindi ko na alam kung paano mabubuo ulit ang buhay ko. Hiniling ko pa nga sa Diyos: ‘Hindi ko na po kaya! Hayaan n’yo na po akong matulog at huwag nang magising pa.’”

Si Daniel naman ay sobrang nasaktan nang magtaksil ang asawa niya. Sinabi niya: “Nang umamin ang misis ko na nangaliwa siya, parang sinaksak ang puso ko. Hindi mawala-wala ang sakit, na tumagal nang maraming buwan.”

Tatalakayin sa isyung ito ng Ang Bantayan kung bakit may saysay pa ang mabuhay kahit

• May trahedya

• Namatay ang mahal sa buhay

• Nagtaksil ang asawa

• May malubhang sakit

• Parang hindi mo na kaya

Alamin muna natin kung paano makakayanan ang trahedya sa buhay.