Liham ni Pablo sa mga Taga-Galacia

Makikita dito ang isang pahina mula sa papirong codex na tinatawag na P⁴⁶, na pinaniniwalaang mula noong mga 200 C.E. Makikita sa codex na ito ang siyam sa mga liham ni Pablo sa ganitong pagkakasunod-sunod: Roma, Hebreo, 1 Corinto, 2 Corinto, Efeso, Galacia, Filipos, Colosas, at 1 Tesalonica. Makikita sa pahinang ito ang katapusan ng liham ni Pablo sa mga taga-Efeso at ang simula ng liham niya sa mga taga-Galacia. Ito ang sinasabi ng minarkahang pamagat: “Para sa mga Taga-Galacia.”—Tingnan sa Media Gallery, “Unang Liham ni Pablo sa mga Taga-Corinto” at “Ikalawang Liham ni Pablo sa mga Taga-Corinto.”