Liham ni Pablo sa mga Taga-Colosas

Makikita rito ang isang pahina ng papirong codex na tinatawag na P⁴⁶, na pinaniniwalaang mula pa noong mga 200 C.E. Ang codex na ito ay koleksiyon ng siyam sa mga liham ni Pablo, pero ang pagkakasunod-sunod ng mga liham dito ay iba sa makikita sa mga Bibliya ngayon. (Tingnan sa Media Gallery, “Unang Liham ni Pablo sa mga Taga-Corinto” at “Ikalawang Liham ni Pablo sa mga Taga-Corinto.”) Mababasa sa pahinang ito ang katapusan ng liham ni Pablo sa mga taga-Filipos at ang umpisa ng liham niya sa mga Kristiyano sa Colosas, isang lunsod sa timog-kanluran ng Asia Minor. Bahagi ito ng Papyrus Chester Beatty 2, na iniingatan ngayon sa Chester Beatty Library sa Dublin, Ireland. Minarkahan dito ang pamagat, kung saan ang mababasa ay “Para sa mga Taga-Colosas.” Ang koleksiyong ito ay patunay na noon pa man, gumagamit na ang mga eskriba ng mga pamagat para tukuyin ang mga aklat ng Bibliya.