Makakakuha Ka ng Karunungan
“Ang buong Kasulatan ay mula sa Diyos.” (2 Timoteo 3:16) Ibig sabihin, inilagay ng Diyos na Makapangyarihan-sa-Lahat ang kaisipan niya sa isip ng mga manunulat ng Bibliya.
Gusto ng Diyos na Makinabang Ka sa Karunungan Niya
“Ako, si Jehova, . . . ang nagtuturo sa iyo para makinabang ka, ang pumapatnubay sa iyo sa daan na dapat mong lakaran. Kung magbibigay-pansin ka lang sa mga utos ko, ang kapayapaan mo ay magiging gaya ng ilog at ang katuwiran mo ay magiging gaya ng mga alon sa dagat.”—ISAIAS 48:17, 18.
Isiping ikaw mismo ang kinakausap ng Diyos sa tekstong iyan. Gusto niyang maging panatag ka at tunay na maligaya, at matutulungan ka niyang mangyari iyan.
Puwede Mong Makuha ang Karunungan ng Diyos
“[Kailangang] ipangaral ang mabuting balita sa lahat ng bansa.”—MARCOS 13:10.
Kasama sa “mabuting balita” ang pangako ni Jehova na alisin ang pagdurusa, gawing paraiso ang lupa, at buhaying muli ang mga namatay nating mahal sa buhay. Ipinapangaral ng mga Saksi ni Jehova sa buong mundo ang mensaheng iyan mula sa Bibliya.