FEATURE

Heograpikong Kaanyuan ng Lupang Pangako

ANG lupaing ibinigay ng Diyos sa sinaunang Israel ay may pambihira at sari-saring heograpikong kaanyuan. Sa hilaga ay mga bundok na nababalutan ng niyebe. Ang mga lugar naman sa timog ay tropikal. Sa loob ng mga hanggahan nito ay may mabunga at mabababang lupain, maburol na mga lupaing mapagtatamnan at mapagpapastulan ng mga kawan, at mga tiwangwang na ilang. Matatagpuan sa maituturing na maliit na lugar na ito ang iba’t ibang heograpikong kaanyuan ng planetang Lupa.

[Mapa sa pahina 333] — **MAPA:** Heograpikong Kaanyuan ng Lupang Pangako, Satellite Map

Kahangga ng Dagat Mediteraneo sa dulong silangan ang isang matabang kapatagan. Sa dakong silangan ng kapatagang ito ay naroon ang Sepela, na isang maburol at mababang lupain na sagana sa ubasan at taniman ng olibo. Sa mas gawing silangan pa, isang kabundukan na mistulang isang pagkalaki-laking gulugod ang bumabagtas sa kahabaan ng lupain. Pagkatapos, ang lupain ay biglang lumulusong sa Rift Valley, na humahati sa lupain nang pahaba. Sa Rift Valley na ito nagpapaliku-liko ang Ilog Jordan mula sa Dagat ng Galilea pababa sa Dagat Asin. Sa silangan ng Jordan ay makikita ang matatabang burol at mga pastulan. Sa ibayo ng kaakit-akit na lupaing ito, sa dakong silangan, ay nagsisimula ang Disyerto ng Arabia.

Noong kagandahan nito, ang Lupang Pangako sa kabuuan ay tulad ng hardin ng Eden. Kaya nga, ang Israel ay nagsilbing isang maliit na halimbawa ng Paraiso para sa sangkatauhang mabubuhay sa lupa sa ilalim ng Kaharian ng Diyos.

[Larawan sa pahina 332] — Isa sa mga bukal ng tubig ng Ilog Jordan, ang Nahr Banyas (Nahal Hermon)

[Larawan sa pahina 334] — Kitang-kita ang maringal na Bundok Tabor sa Libis ng Jezreel

[Larawan sa pahina 335] — Ang Ilang ng Juda. Dito nagtago si David mula kay Saul, at sa liblib na ilang na ito’y sinikap ng Diyablo na tuksuhin si Jesus

[Larawan sa pahina 336] — Hilagang baybayin ng Dagat ng Galilea, tanawin sa dakong hilagang-silangan