FEATURE
Ang Ministeryo ng Apostol na si Pablo
MATAPOS atasan ni Jesus si Pablo upang maging apostol sa mga bansa, buong-sigasig nitong ginampanan ang kaniyang gawain. (Ro 11:13) Nakarating siya sa Ciprus at Asia Minor sa kaniyang unang paglalakbay bilang misyonero. Itinapon siya sa labas ng mga lunsod ng galít na mga mang-uumog, anupat pinagbabato pa nga at iniwan sa pag-aakalang patay na siya. Ngunit bumalik siya upang palakasin yaong mga naging alagad.
Noong kaniyang ikalawang paglalakbay, nakarating siya hanggang sa Macedonia at Gresya. Dito ay nakapagpatotoo siya sa Areopago sa Atenas, gaya ng nakalarawan sa ibaba.
Noong ikatlong paglalakbay ni Pablo, nangaral siya nang mga tatlong taon sa Efeso, isang salubungang-dako ng daigdig na Romano. Pagkatapos ay pumaroon siya sa Macedonia at Gresya upang patibayin ang mga kongregasyon doon.
Habang siya ay bilanggo ng pamahalaang Romano, sinamantala ni Pablo ang panahon sa pagsulat ng kinasihang mga liham na bahagi ng Bibliya sa ngayon.
MAPA: Unang Paglalakbay ni Pablo Bilang Misyonero
MAPA: Ikalawang Paglalakbay ni Pablo Bilang Misyonero
MAPA: Ikatlong Paglalakbay ni Pablo Bilang Misyonero
Sa Damasco, sa lansangan na tinatawag na Tuwid. Pagkatapos na makumberte, ang nabulag na si Saul ay inakay patungo sa isang tahanan sa lansangang ito (Gaw 9:3-16)
Dulaan sa Efeso kung saan nagkagulo ang mga mananamba ni Artemis (nakasingit na larawan) upang magprotesta laban sa pangangaral ni Pablo (Gaw 19:29-41)
Mga guho ng Antioquia sa Pisidia. Pagkatapos ng kaniyang mahusay na pagpapatotoo sa sinagoga rito, itinapon si Pablo ng galít na mga mang-uumog sa labas ng lunsod (Gaw 13:14-50)
Kinikilalang lugar ng bilangguan ni Pablo sa Filipos. Si Pablo ay binugbog at ibinilanggo sa lunsod na ito, ngunit ang tagapagbilanggo at ang sambahayan nito ay naging mga Kristiyano (Gaw 16:19-34)
Pader ng sinaunang Tesalonica. Nangatuwiran si Pablo mula sa Kasulatan sa mga tagarito, ngunit dahil dito ay pinagkagulo ng galít na mga mang-uumog ang lunsod (Gaw 17:1-9)
Mga guho ng sinaunang Corinto, at sa likuran ay ang Acrocorinth. Sinikap ni Pablo na patibayin ang mga Kristiyano sa Corinto laban sa imoral na paraan ng pamumuhay na nakapalibot sa kanila
Ang Akropolis sa Atenas gaya ng makikita sa ngayon. Nasa unahan sa gawing kanan ang Areopago, kung saan nagdiskurso si Pablo
MAP: Paglalakbay ni Pablo Patungong Roma
Si Pablo ay pinabantayan sa isang bahay sa Roma sa loob ng dalawang taon; noong panahong iyon ay sumulat siya ng limang kinasihang liham sa mga kapuwa Kristiyano